بەيسەنبى, 28 ناۋرىز 2024
46 - ءسوز 10365 1 پىكىر 23 قاڭتار, 2017 ساعات 12:01

اقىندىق تۋرالى


(مۇقاعالي ماقاتاەۆتىڭ ايتقاندارى)

***
…پوەزيا – عىلىم. زەرتتەۋ كەرەك. ادام ءومىرىنىڭ، ادام جانىنىڭ زەرتتەلمەگەن، قالام تارتىلماعان نەسى قالدى؟ سونى تابۋ، سونى زەرتتەۋ كەرەك. ادام سەزىمىن جان-جاقتى زەرتتەيتىن قۇدىرەت بولسا، ول تەك – پوەزيا. باسقا ەشقانداي دا عىلىمنىڭ قولىنان كەلمەيتىن شارۋا بۇل!

***
پوەزيا - جۋرناليستيكا ەمەس، ال اقىن - دابىرا تۋعىزاتىن جاعدايلارعا جۇگىرە بەرەتىن جۋرناليست ەمەس. التىنمەن كيىندىرىپ قويعان قاڭقا سۇيەك تابىلعانى ءۇشىن عانا پوەزيا جازۋعا بولا ما؟! التىنعا مالىنعان ادام تۋرالى جازعانشا، ەلسىز دالادا كومۋسىز قالعان ادامنىڭ باس سۇيەگى جايىندا قۋانا-قۋانا پوەما جازار ەدىم.

***
شىن تالانتتى اقىن بەرەرىن بەرگەنەن كەيىن، سىيىمەن ولە بىلگەنى دە جاقسى. الايدا تاڭدامالىلارىنىڭ تولىق جيناعىنا ءوزى رەداكتور بولعاننىڭ دا زيانى جوق...

***
قازىرگى ناعىز اقىن الدىمەن ويشىل، ياعني فيلوسوف بولۋى قاجەت. پوەزيانىڭ جالاڭ سۇلۋلىعى جالاڭاش سۇلۋعا ۇقسايدى: ونى تەك قىزىقتاۋعا عانا بولادى. اقىننىڭ مىندەتى سۋرەتتەپ شىعۋ، بايانداپ بەرۋ ەمەس، قايتا سول سۇلۋلىقتىڭ قۇپياسىن، ونىڭ ار جاعىنداعى ناق سول جاسىرىندى اشىپ بەرۋدە. وسى زامانعى اقىن تاجىريبەلى قۇبىلناماشىداي ۋاقىت تامىرىن ءدال باسىپ، ءداۋىردىڭ، قوعامنىڭ دەرتىن ءوز دەرتىندەي قابىلداۋعا ءتيىس. پوەزيادا فيلوسوف بولۋ دەگەن ءسوز - ءوزىن قورشاعان الەمدى ۇعىنۋ، ءار زاتتىڭ ءمانىن ءبىلۋ. الايدا، سالقىنقاندى، اقىلگوي فيلوسوف بولۋ جارامايدى، اقىرىنا دەيىن "ادام جانىنىڭ ينجەنەرى" بولىپ قالۋ كەرەك.

***
اقىن بولۋ ءۇشىن اقىندا نە بولۋى كەرەك؟ 
ءبىرىنشى: تالانت. ءبىلىمدى، سۇڭعىلا تالانت (ديپلوم مىندەتتى ەمەس). 
ەكىنشى: ۇيات، ءوزىنىڭ ناشار ولەڭدەرىن وقىعاندا وزىنەن ءوزى ۇيالۋى ءۇشىن. 
ءۇشىنشى: قاراپايىمدىلىق. پۋشكين مەن ابايدىكىندەي بولماسا دا، باسقالار تۇسىنەتىندەي ادامدىق قاراپايىمدىلىق. اقىلدىمسىماۋ، تۇسىندىرمەۋ، تەك جىرلاۋ. 
ءتورتىنشى: تۇيسىك. باسقالار كورە المايتىندى كورۋ جانە تانۋ. 
بەسىنشى: ەڭبەك، ۇنەمى شىندالىپ وتىرۋ ءۇشىن. 
التىنشى: جان. جان بايلىعىن ءاماندا ساقتاۋ قاجەت.

***
مەنi ادامنىڭ ءوزi, سىرتقى سۇلدەرi ەمەس، مiنەز-قۇلقى، قاتىناسى، ويى مەن پسيحولوگياسى قىزىقتىرادى. ولاردى تۇسiنۋگە تىرىسامىن. ادامداردى تۇسiنە وتىرىپ ولاردىڭ دا مەنi تۇسiنگەنiن قالايمىن. مەنiڭ بۇكiل پوەزيامنىڭ ءمانi, مiنە، وسى پوەزيا – مەن ءۇشiن جانىمنىڭ شىرىلى. باسقا ەشتەڭە دە ەمەس…

***
ولەڭ شىعارۋ – ەڭ اۋەلi قاجىرلى ەڭبەك. ازاپتى، جۇيكەگە سالماق سالاتىن جۇمىس. وڭاشالانۋدى جانە تىنىشتىقتى سۇيەدi. ەگەر مەن ونداي تولعاق ۇستiندە جارىم جولدا توقتاي قالسام، كەيiن وندا وي سوڭىنان قۋالاۋ ماعان قيىن. العاشقى قۇمارلىقتان اجىراپ قالام.

***
ەي، قالام ۇستاعان، قالامداس باۋىر-قارىنداستارىم، حالىقتى ۇمىتپاڭدار! حالىقسىز كۇندەرىڭ قاراڭ! ونى سۇيەمىن دەپ بايبالام سالماڭدار. وعان تەك عاشىق بولا بىلىڭدەر!

(اقىن كۇندەلىگىنەن)

اسىلبەك جاڭبىربايدىڭ فەيسبۋكتەگى پاراقشاسىنان الىندى

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3513