ماڭعىستاۋ وبلىسىنداعى سەرۆيستىك كومپانيانىڭ جۇمىسشىلارى قاڭتار ايىنىڭ باسىندا تاۋەلسىز كاسىپوداق كونفەدەراتسياسىنىڭ جابىلۋىنا قارسى شىعىپ، اشتىق جاريالاعان ەدى.

سۋديا جاسۇلان ساليەۆتىڭ مالىمدەۋىنشە، اشتىققا قاتىسقان وسس جۇمىسشىلارى سوتقا شاعىمدانۋشىعا 3 ميلليون 594 مىڭ 354 تەڭگە تولەۋى كەرەك. شاعىمدانۋشى سوتتان جۇمىسشىلاردىڭ جيىن وتكىزۋ ءتارتىبى تۋرالى كومپانيا اكتىلەرىن ساقتاۋدى مىندەتتەۋىن سۇرادى.

جۇمىسشىلاردى اشتىق اكتسياسىنا ۇگىتتەدى دەپ ايىپتالعاندار سوتتان وتىرىستى كەيىنگە شەگەرۋىن سۇرادى، ويتكەنى ولاردىڭ شاعىممەن تانىسۋعا جانە ادۆوكات جالداۋعا ۋاقىتى بولماعان. سۋديا ساليەۆ 15 مينۋتتىق ءۇزىلىس جاريالاپ، ازاماتتىق ىسكە ادۆوكاتتىڭ قاجەتى جوق دەپ شەشتى. جاۋاپكەرلەر سوتقا سەنىمسىزدىك بىلدىرگەنىمەن، ولاردىڭ ءوتىنىشى قابىلدانبادى. سول سەبەپتى جاۋاپكەرلەر ءسوز تالاستىرۋعا قاتىسقان جوق، بىراق سوت شەشىمىنە شاعىم تۇسىرەتىندەرىن مالىمدەدى.

مۇنايشىلاردىڭ اشتىق اكتسياسىنا جۇزدەگەن جۇمىسشى قاتىستى. 19 قاڭتاردا جەرگىلىكتى سوت ونى زاڭسىز دەپ تانىدى. اقتاۋداعى نارازىلىق اكتسياسىن قالامقاس جانە جەتىباي مۇناي كەن ورنىنداعى مۇنايشىلار قولدادى. نارازىلىق اكتسياسى OCC جۇمىسشىلارىنىڭ كاسىپوداق جەتەكشىسى ءامين ەلەۋسىنوۆ پەن كاسىپوداقتىڭ ەڭبەك جونىندەگى ينسپەكتورى نۇربەك قۇشاقباەۆتىڭ ۇستالۋىنا بايلانىستى توقتادى.

اباي-اقپارات