كەشە، 23 قاڭتاردا اتىراۋ وبلىسىنىڭ əكىمى نۇرلان نوعاەۆ ماقات اۋدانىنا جۇمىس ساپارىمەن بارىپ، اۋداننىڭ əلەۋمەتتىك-ەكونوميكالىق جاعدايىمەن تانىستى.

جيىنعا وبلىستىڭ əلەۋمەتتىك سالاسىنا جاۋاپتى قىزمەتكەرلەر قاتىستى.

كەڭەستە ايماقتاعى بىلىم بەرۋ، دەنساۋلىق ساقتاۋ، جۇمىسپەن قامتۋ، دەنە شىنىقتىرۋ جانە سپورت سالالارىنىڭ جاعدايى تالقىلاندى.

وبلىستاعى بىلىم سالاسىنىڭ ءحالى تۋرالى ەسەپ بەرگەن ءبىلىم بەرۋ باسقارماسىنىڭ باسشىسى نۇرسəۋلە سايلاۋوۆا بالاباقشالاردا ورىننىڭ جەتپەي وتىرعانىن ايتتى. ول 3-6 جاس ارالىعىندا كەزەكتە تۇرعان ورەندەردىڭ 85 پايىزىنىڭ عانا مەكتەپكە دەيىنگى مەكەمەلەرگە بارىپ جۇرگەنىن جەتكىزدى. 3716 بالانىڭ بۇعان مۇمكىندىگى بولماي ۇيدە تاربيە الىپ جاتىر. 

سونىڭ ىشىندە ماقات اۋدانىندا بالاباقشا كەزەگىندەگى وقۋشىلاردىڭ 10 پايىزىنا ورىن جوق ەكەنى بەلگىلى بولدى.

ايماق باسشىسى نۇرلان نوعاەۆ بالاباقشا سالۋ جۇمىستارىن جەدەلدەتۋ كەرەكتىگىن ايتا كەلە، كەزەك پروبلەماسىن شەشۋگە جەكە كاسىپكەرلەردى دە تارتۋ ماسەلەسىن قوزعادى.

“مەملەكەت بالاباقشالار مەن مەكتەپتەردى كوپتەپ سالىپ جاتىر، سالادى دا. بىراق، كەزەك ماسەلەسىن تەزىرەك شەشۋ ءۇشىن بۇل ىسكە جەكە كاسىپكەرلەردى تارتۋ جۇمىسىن كۇشەيتۋ كەرەك. تۇرعىنداردىڭ وزدەرى باس كوتەرىپ بالاباقشالار اشسىن. بۇل بيزنەسپەن اينالىسامىن دەگەندەرگە مەملەكەت قولداۋ كورسەتىپ وتىر”، – دەدى نۇرلان نوعاەۆ.

ايماق باسشىسى، حالىق قامىن تەك باسشىلار ەمەس، تۇرعىنداردىڭ وزدەرى دە كۇيتتەپ، جۇمىس ىستەۋ كەرەكتىگىن ايتتى. 

قازىر بالاباقشا اشقىسى كەلەتىندەر ءۇشىن ەنگىزىلگەلى جاتقان قولداۋدىڭ ءبىر ءتۇرى رەتىندە كەزەكتەن الىپ تاستاۋ ماسەلەسىن ايتۋعا بولادى. بۇرىن بالاسىن جەكە بالاباقشاعا ورنالاستىرعان اتا-انا كەزەگى كەلگەندە مەملەكەتتىك مەكەمەگە اۋىسىپ كەتەتىن. ول وسىلايشا ەكى جاققا دا سالماق سالىپ، باسقا بالالاردىڭ ورنالاسۋىنا كەدەرگى كەلتىرەتىن. ەندىگى ورتاق ستاندارتتا جەكە بالاباقشاعا ورنالاسقان بالا كەزەكتەن شىعارىلادى دەگەن پۋنكت بار. بۇل جەكە كاسىپكەرلەردىڭ كليەنتتەرىنىڭ تۇراقتى بولۋىنا كومەكتەسەدى.

ايتا كەتەلىك، قازىر وبلىستا جەكە مەنشىك 30 بالاباقشا بار. ونىڭ 28-ءى اتىراۋ قالاسىندا، بىرەۋى ماقات، ەكىنشىسى جىلىوي اۋدانىندا جۇمىس ىستەپ تۇر. ماحامبەت اۋدانىندا بۇل ىسكە ءبىر كاسىپكەر قىزىعىپ وتىر. قالعان اۋدانداردا جەكە بالاباقشا جوق.

ال وبلىستا بارلىعى 303  مەكتەپكە دەيىنگى  ۇيىم بار.  ونىڭ 164-ءى بالاباقشا، 139-ى شاعىن ورتالىق. 

Abai.kz