سارسەنبى, 5 قازان 2022
دەپ جاتىر 2867 0 پىكىر 25 قاڭتار, 2017 ساعات 17:14

بوكستان قازاقستان قۇراماسىنىڭ جاڭا كاپيتانى انىقتالدى!

ادىلبەك نيازىمبەتوۆ – بوكستان قازاقستان قۇراماسىنىڭ جاڭا كاپيتانى. بۇل تۋرالى ەلىمىزدىڭ بوكس فەدەراتسياسىنا سىلتەمە جاساپ kaz.vesti.kz حابارلادى.

ەسكە سالا كەتەيىك، بۇعان دەيىن قۇرامانىڭ كاپيتانى مىندەتىن اتقارىپ كەلگەن دانيار ەلەۋسىنوۆ ريودا وتكەن وليمپيادا ويىندارىنان كەيىن كاسىپقوي بوكسقا اۋىسقان بولاتىن. ەندى بۇل مىندەتتى ماڭعىستاۋلىق بوكسشى ادىلبەك نيازىمبەتوۆ اتقارادى.

«قازاقستان قۇراماسىنىڭ باس باپكەرى مىرزاعالي ايتجانوۆپەن جانە كوماندا بوكسشىلارىمەن اقىلداسا كەلە ءبىز كاپيتاندىق مىندەتتى ادىلبەك نيازىمبەتوۆكە بەردىك»، - دەلىنگەن فەدەراتسيا تاراتقان جاڭالىقتا.

ايتا كەتەيىك، ادىلبەك نيازىمبەتوۆ – قازاق بوكسى تاريحىنداعى ەڭ تابىستى بوكسشىلاردىڭ ءبىرى. ونىڭ ەنشىسىندە وليمپيادا ويىندارىنىڭ ەكى كۇمىس جۇلدەسى، الەم چەمپيوناتىنىڭ ەكى كۇمىس جۇلدەسى جانە ازيا ويىندارى مەن ازيا بىرىنشىلىگىنىڭ التىن جۇلدەلەرى بار. 

 

سايتقا ازىرلەگەن نۇرcۇلۋ نايمانوۆا.

Abai.kz

0 پىكىر