سارسەنبى, 5 قازان 2022
دەپ جاتىر 3785 0 پىكىر 25 قاڭتار, 2017 ساعات 17:31

قىدىءرالى كىمدى الداپ ءجۇر؟

پروديۋسەر قىدىرالى بولمانوۆ وسىعان دەيىن ماسكەۋدە ديسسەرتاتسيالىق جۇمىس قورعاعاندىعى جانە رەسەي عىلىم اكادەمياسىنىڭ پروفەسسورى اتانعاندىعى تۋرالى جاريالاعان ەدى. الايدا، رەسەي فەدەراتسياسىنىڭ عىلىم مينيسترلىگى نەمەسە رەسەي عىلىم اكادەمياسىنداعىلار قىدىرالى بولمانوۆ تۋرالى بىلمەگەن.


پروديۋسەردىڭ ءوزى باق وكىلدەرىنە  "مەن ماسكەۋدە ديسسەرتاتسيا قورعادىم. بۇگىن مەن رەسەي عىلىم اكادەمياسىنىڭ پروفەسسورى اتاندىم", - دەپ جاريالاعان بولاتىن. مۇنداي اقپارات بولمانوۆتىڭ Instagram الەۋمەتتىك جەلىسىندەگى پاراقشاسىندا دا جاريالانعان بولاتىن.

رف ءبىلىم جانە عىلىم مينيسترلىگىنىڭ وكىلى 365info.kz جۋرناليستىنە بەرگەن رەسمي ەمەس مالىمەتىندە رەسەيدە "ەتنوپەداگوگيكا" بويىنشا عىلىمي جۇمىستار قورعالمايتىنىن ايتقان. سەبەبى عىلىمي قىزمەتكەرلەر ماماندىقتارىنىڭ نومەنكلاتۋراسىنا كىرمەيدى. ال رەسەي فەدەراتسياسى عىلىم اكادەمياسىنىڭ وكىلى پروفەسسورلار تىزىمىنەن بولمانوۆتىڭ ەسىمىن تاپپادى.

 "جاراتىلىستانۋ عىلىمدارى قاتارىنا كىرەتىن پسيحولوگيا بويىنشا عىلىمي جۇمىس قورعاعاندار قاتارىندا بولمانوۆتىڭ ەسىمى جوق. باحتيزين دەگەن ادام بار، بىراق بولمانوۆتىڭ ەسىمى تىزىمدە كورسەتىلمەگەن", - دەيدى عىلىم اكادەمياسىنىڭ وكىلى. قر ءبىلىم جانە عىلىم ۆيتسە-ءمينيسترى اسلانبەك ءامريننىڭ ايتۋىنشا، وسى ۋاقىتقا دەيىن قر ءبىلىم جانە عىلىم مينيسترلىگىنە، قر بعم ءبىلىم جانە عىلىم سالاسىنداعى باقىلاۋ جونىندەگى كوميتەتكە قىدىرالى بولمانوۆتىڭ شەتەلدىك ديپلومىنىڭ عىلىمي دارەجەسىن راستاۋ تۋرالى قۇجاتتار كەلىپ تۇسپەگەن. پروديۋسەرگە فيلوسوفيا عىلىمدارى دوكتورى دەگەن قازاقستاندىق ديپلوم دا بەرىلمەگەن ەكەن.

 

Cايتقا ازىرلەگەن: نۇرسۇلۋ نايمانوۆا

Abai.kz

0 پىكىر