قىس مەزگىلى كەلگەندە كوپشىلىك ادام دەمالىسىن قاي جاققا بارىپ وتكىزۋگە بولاتىنى تۋرالى ۇزاق ويلانادى. Cايتىمىزدىڭ وقىرماندارىنا قىسقى دەمالىسقا ارنالعان 5 ەلدىڭ ءتىزىمىن ۇسىنامىز.

ەڭ اۋەلى، ءسىز دەمالىستىڭ قاي ءتۇرىن جاقسى كورەسىز؟ قايسىسى ءسىزدىڭ جانىڭىزعا جاقىن؟ وسىلاردى انىقتاپ الۋ كەرەك. بىرەۋلەر تەڭىزگە بارىپ دەمالعاندى ۇناتسا، ەندى بەرەۋلەرى تاۋ شاڭعىسى بار دەمالىس ورىندارىن ۇناتادى. ءبىز ماسەلەنىڭ ەكى جاعىن دا، ياعني، قىس قىزىقتارىنا قانىعۋ جانە تومەنگى تەمپەراتۋرادان قاشىپ جىلى ەلدەردە دەمالۋ جايىن قاراستىردىق.

1. تايلاند. ءدال وسى ەلگە تمد ەلدەرىنىڭ تۇرعىندارى كوپتەپ كەلەدى. ءتىپتى، مۇندا قىس مەزگىلىندە دە تەڭىزگە شومىلۋعا، كۇنگە قىزدىرىنۋعا، ەكزوتيكالىق جەمىس-جيدەكتەردى جەۋگە بولادى. ايتپاقشى، ازىق-تۇلىك پەن تۇرعىن ۇيلەردىڭ باعاسى جازعى ۋاقىتتىڭ باعاسىنا قاراعاندا ءبىراز ارزانداتىلعان. ەگەر ءسىز قىسقى سۋىق تەمپەراتۋرادان قاشساڭىز وسىندا كەلىڭىز!

2. نورۆەگيا. قىس قىزىقتارىن جاقسى كورەتىن جاندار ءۇشىن بۇل جەردە شاڭعىمەن سىرعاناۋعا، مۇزعا سىرعاناۋعا، ازداپ بالىق اۋلاۋعا بولادى. نورۆەگيا ەلىنىڭ تابيعاتى ەشقاشان تاڭعالدىرماي قويعان ەمەس. دەمالىس ۇلكەندەرگە دە، بالالارعا دا ۇنايتىنى ءسوزسىز. 

3. ەگيپەت. قىستا تەڭىز تەمپەراتۋراسى شامامەن 22-23 گرادۋستى كورسەتەدى. بۇل ەلدى نەگىزىنەن تومەن باعاعا ءومىر سۇرۋگە ىڭعايلىلىعى جانە ۆيزالىق ءتارتىبى ءۇشىن تاڭداپ جاتادى. قىسقى ۋاقىتتا قىزىل تەڭىزگە بارىپ دەمالۋدى قالايسىز با؟ قالاساڭىز – ەگيپەت ءسىز باراتىن جەر! ونداعى ويىن-ساۋىقتىڭ ەڭ تانىمال ءتۇرى – دايۆينگ. ال، ەگەر جايلى دا تىنىش دەمالىستى قالاساڭىز ەكسكۋرسيا جاساپ، پيراميدالاردى قاراۋعا بارساڭىز قۇبا-قۇپ.

4. حورۆاتيا. وتباسىلىق دەمالىستىڭ ەڭ ۇتىمدى دا ۇنەمدى ءتۇرى. ەگەر بالالارىڭىزدىڭ دەمالىس ۋاقىتى ءتيىمدى دە قىزىقتى ءوتسىن دەسەڭىز حورۆاتياعا بارىڭىز! الاسا تاۋلار مەن ەڭىس جازىقتار جاڭادان كەلۋشىلەر مەن بالالارعا ارنالعانداي اسەر قالدىرادى. تاۋ شاڭعىسى سپورتىمەن اينالىسقان كەزدە جاراقات الۋ قاۋپى وتە از بوپ كەلەدى. 

5. گوا. گوا ينديانىڭ ەڭ كىشكەنتاي شتاتتارىنىڭ ءبىرى. بۇل ەل تۇنگى ءومىردى سۇيەتىندەر ءۇشىن تاپتىرماس مۇمكىندىك. قۇمدى جاعاجاي، ءساندى قوناقۇيلەر، ديسكوتەكا سەكىلدى شاعىن ءتىزىم كەلۋشى تۋريستەردى كۇتەدى. بۇل جەر شىعىستىق تالعام مەن ەۋروپالىق مادەنيەتكە ساي ورايلاستىرىلعان ءوزىنىڭ تاڭعالارلىق سيپاتىمەن ەرەكشەلەنەدى. ەستەن كەتپەستەي دەمالىستى قالاساڭىز گواعا بارىڭىز!  ال، ءسىز قايدا بارىپ دەمالعىڭىز كەلەدى؟ قاي ەلگە بارۋعا كەڭەس بەرەسىز؟

سايتقا ازىرلەگەن نۇرسۇلۋ نايمانوۆا

Abai.kz