سارسەنبى, 1 جەلتوقسان 2021
جاڭالىقتار 3186 0 پىكىر 27 قاڭتار, 2017 ساعات 11:08

قازاقستاندا ادام قۇقىعىن قورعاۋشىنى اباقتىدا ۇرىپ-سوعۋ فاكتىسىن تەكسەرەدى

قاراعاندى وبلىسىنداعى بالقاش قالاسىنىڭ ادام قۇقىعىن قورعاۋشىسى سانات بوكەنوۆ جارتى جىلدان بەرى اباقتىدا وتىر. وعان جەرگىلىكتى پروكۋروردى سىبايلاسقان جەمقورلىق قىلمىسىمەن نەگىزسىز ايىپتادى دەگەن كۇدىك كەلتىرىلگەن. 58 جاستاعى بوكەنوۆ 19 قاڭتاردا قاراعاندىداعى سوت وتىرىسىندا ءوزىن اباقتىدا ۇرىپ-سوققانى تۋرالى مالىمدەدى.


سوت پروتسەسى كەزىندە بوكەنوۆ بىرنەشە ءوتىنىش ءتۇسىردى. وسى اپتادا ونىڭ ىسىندە كۇتپەگەن بەتبۇرىس ورىن الدى.

مەملەكەتتىك ايىپتاۋشى بوكەنوۆكە قاتىستى قىلمىستىق ءىستى توقتاتۋىن سوتتان سۇرادى. پروكۋرور تەرگەۋشىگە قاتىستى زورلىق-زومبىلىق قىلمىسىنا بايلانىستى جاڭا قىلمىستىق ءىس قوزعالعانىن حابارلادى. دەگەنمەن بۇعان قاتىستى پروتسەسسۋالدىق شەشىم ءالى قابىلدانعان جوق. بوكەنوۆكە ناقتى قانداي زورلىق-زومبىلىق ارەكەتى تىركەلگەنى ايتىلماعان.

ايىپتالۋشى سانات بوكەنوۆ بىرنەشە كۇن بۇرىن اباقتىداعى زورلىق-زومبىلىق تۋرالى ايتقان. اباقتىدا ونىڭ جۇرەگى مەن بۇيرەگى اۋىرىپ، ءوزى 13 كەلىگە ازعان. بۇعان قوسا بوكەنوۆ ونىڭ ۇيىندە زاڭسىز ءتىنتۋ جۇرگىزىلىپ، جەكە زاتتارى مەن بىرنەشە ىسكە قاتىستى قۇندى مالىمەتتەر تاركىلەنگەنىن حابارلادى.

ادام قۇقىعىن قورعاۋشىعا قاتىستى سوت قاۋىپسىزدىك شاراسىن قابىلدادى. بوكەنوۆ سوتتا جەكە ومىرىنە قاۋىپ ءتونىپ تۇرعانىن ايتتى. سوت ايىپتالۋشىنى جەكە كامەرادا ۇستاۋ تۋرالى شەشىم شىعاردى.

Abai.kz

0 پىكىر

ۇزدىك ماتەريالدار