ءدال قازىر الماتىداعى "الماتى ارەنا" سپورت كەشەنىندە 2017 جىلعى بۇكىلالەمدىك ۋنيۆەرسيادا ويىندارىنىڭ اشىلۋ سالتاناتى وتۋدە. وعان قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ قاتىسۋدا.

الماتىداعى سپورت دوداسىنا الەمنىڭ 60-قا جۋىق ەلىنەن 2000-نان استام سپورتشى كەلگەن. ولار قىسقى سپورتتىق ويىنداردىڭ 12 تۇرىنەن ءوزارا سايىسقا تۇسپەك. 

وسى ءبىر اۋقىمدى شارانى تىكەلەي ەفيردەن 80-نەن استام ەلدە كورسەتۋدە. بۇ پوتەنتسيالدى تۇردە ميللياردقا جۋىق ادام تاماشالاپ وتىر دەگەندى بىلدىرەدى. 

ايتا كەتەيىك، وسى كۇنى الماتى تورىنە الەمنىڭ 57 ەلىنەن 30 مىڭنان استام شەتەلدىك تۋريست كەلگەن. 

سونداي-اق، الماتىداعى ۋنيۆەرسيادا ويىندارى حالىقارالىق سپورت تاريحىنداعى ەڭ از قارجى جۇمسالعان سپورتتىق شارا بولعان. ۋنيۆەرسيادا ويىندارى ءۇشىن "حالىق ارەنا" سپورت كەشەنى ارنايى سارىنعان.

ايتا كەتەيىك، الماتىداعى دوداعا قاتىساتىن سپورتشىلاردىڭ ساپىندا وليمپيادا ويىندارى مەن الەم چەمپيوناتىنىڭ قاتىسۋشىلارى دا بار.

28-ءشى حالىقارالىق قىسقى ۋنيەرسيادانىڭ سپورتتىق جارىستارىنىڭ كەستەسىن جانە سايىستارد تۋرالى تولىق اقپاراتتاردى "Abai.kz" اقپاراتتىق پورتالى مەن "ساڭلاق" سپورت جۋرنالىنان وقي الاسىزدار.

Abai.kz