جۇما, 29 ناۋرىز 2024
قوعام 7386 0 پىكىر 1 اقپان, 2017 ساعات 12:17

قازاق ۋنيۆەرسيتەتىنە "تەرروريستىك يدەيالاردى ناسيحاتتادى" دەگەن ايىپ تاقتى

تۇركيا پروكۋراتۋراسى شەكارا شەتىندەگى بىرقاتار وقۋ ورىندارى تۋرالى مالىمدەمە جاسادى، - دەپ حابارلايدى تۇركيالىق «Hurriyet» باسىلىمى.

ول ۇيىمدار (وقۋ ورىندارى) تەرروريستىك يدەيالاردى ناسيحاتتادى دەگەن ايىپ تاعىلعان. «Hurriyet» باسىلىمى جاساعان تىزىمدەگى 17 جوو قاتارىندا قىرعىزستانداعى «اتاتۇرىك-الاتوو» حالىقارالىق ۋنيۆەرسيتەتى، تۇركىمەنستانداعى حالىقارالىق «تۇركىمەن-تۇرىك» ۋنيۆەرسيتەتى مەن قازاقستانداعى حالىقارالىق سۇلەيمەن دەميرەل ۋنيۆەرسيتەتى دە بار.


تۇرىك پروكۋراتۋراسى كەلتىرگەن دەرەكتەرگە سۇيەنسەك، بۇل ءبىلىم وشاقتارى تۇركيادا زاڭ شەڭبەرىندە تىيىم سالعان ءدىن ۋاعىزداۋشى، ويشىل فەتحۋللاح گۇلەننىڭ «حيزمەت» (قىزمەت) ۇيىمىمەن بىرلەسىپ جۇمىس جۇرگىزەدى-ءمىس. ال «حيزمەت» ۇيىمى تۇركيادا تەرروريستىك ۇيىم دەپ تانىلعان.

ەستەرىڭىزگە سالا كەتەيىك، تۇركيا پرەزيدەنتى رەجەپ تايىپ ەردوعان گۇلەن مەن ونىڭ جاقتاستارىن 2016 جىلعى شىلدەدە بولعان اسكەري توڭكەرىستى ۇيىمداستىردى دەپ مالىمدەگەن. الايدا ول كەزدە توڭكەرىس جوسپارىنىڭ كۇلپارشاسى شىعىپ، گۇلەنمەن بايلانىسى بار دەگەن 60 مىڭعا جۋىق قىزمەتكەر تۇتقىندالعان. تاعى 10 مىڭنان استامى قىزمەتتەرىنەن قۋىلعان.

ال ودان ءسال ەرتەرەكتە رەجەپ تايىپ ەردوعان بىرقاتار ەلدەرگە ارنايى بارىپ، بارماعانىنا حات جولداپ، الگى اتىشۋلى فەتحۋللاح گۇلەنمەن قاتىسى بار ءبىلىم وشاقتارىن جابۋدى سۇراعان. تۇرىك پرەزيدەنتىنىڭ ايتۋىنشا، بۇل وقۋ ورىندارى گۇلەن جەتەكشىلىك ەتەتىن  «حيزمەت» قوزعالىسى قارجىلاندىرىلىپ وتىر.

ول نۇسقاپ وتىرعان مەكتەپتەر 1990 جىلدان باستاپ ورتالىق ازيا ەلدەرىندە اشىلا باستاعان تۇرىك ليتسەيلەرى. بۇل ءبىلىم وشاقتارىنىڭ شاكىرتتەرى رەسپۋبليكالىق ءام حالىقارالىق ءبىلىم وليمپيادالارىندا ەل نامىسىن ابىرويمەن قورعاپ ءجۇر.

ايتا كەتەيىك، وا ەلدەرى ىشىندە ەڭ كوپ تۇرىك ليتسەيى وزبەكستاندا اشىلعان (65 ليتسەي). 2000 جىلى وزبەك وپپوزيتسيونەرى مۇحاممەد ساليحتى دەپورتاتسيالاماي قويعان تۇركيا بيلىگىمەن اراسى سۋىعان وزبەكستان ۇكىمەتى تۇرىك ليتسەيلەرىن جاۋىپ تاستاعان.

تۇركىمەنستاندا 14 ليتسەي بولعان. 2011 جىلى «نۇرشىلار» دەيتىن ءدىني ءام ساياسي قوزعالىس ىقپالىنىڭ كۇشەيۋىنەن كەيىن تۇرىك ليتسەيلەرىن جابا باستاعان. قازىرگى تاڭدا قىرعىزستاندا 22 ءبىلىم وشاعى بولسا، قازاقستاندا ولارىدڭ سانى 30-عا جۋىقتايدى.

اۋدارعان نۇرزات توعجان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558