جۇما, 24 مامىر 2024
بىلگەنگە مارجان 3684 0 پىكىر 2 اقپان, 2017 ساعات 14:26

جول ءجۇرۋ بيلەتىن جەلىگە سالۋعا بولمايدى.

زامان دامىعان سايىن ادامدار دا جول قىسقارتىپ، ۋاقىت ۇنەمدەۋگە كوشتى. بۇرىن ەلدىڭ شىعىسىنان باتىسىنا دەيىن ايلاپ، اپتالاپ جەتسە قازىرگى ۋاقىتتا ەكى-ءۇش ساعاتتىڭ ىشىندە كەرەك جەرىنە جەتىپ الادى. ءتىپتى كۇن وتكىزبەي مۇحيت اسىپ كەتۋىنە دە مۇمكىندىك بار. سول سەبەپتى اۋە كولىكتەرىنىڭ داۋرەنى ءجۇرىپ تۇر دەسەك قاتەلەسپەيمىز.

ونىمەن قوسا الەۋمەتتىك جەلىلەر دامۋىنىڭ ارقاسىندا جاقىنىڭىزدىڭ قايدا جۇرگەنىن وڭاي بىلۋگە بولادى. ول ءۇشىن تىڭشىلىقتىڭ تۇك قاجەتى جوق. سەبەبى پاراقشاسىنا كىرسەڭىز، بارلىعى كوز الدىڭىزعا شىعا كەلەدى. بۇل ءبىر جاعىنان جاقسى بولعانىمەن ەكىنشى تۇسى تىم قاۋىپتى بولاتىنىن ەسكەرگەنىڭىز دۇرىس. تاياقتىڭ ەكى ۇشى بولاتىنىن ەلەي بەرمەيتىن جۇرتشىلىق سان سوعىپ قالعاندا ماڭدايىن قابىرعاعا ۇرىپ وكىنەدى. وسى ورايدا اۋە جولاۋشىسىنىڭ بيلەتىن عالامتورعا سالعاندا قانداي قاۋىپ بار ەكەنىن ايتا كەتۋدى ءجون كوردىك.

كوپتەگەن ادامدار اۋەجايداعى ترانسفەرلىك ورىندا نەمەسە الدىن الا ءوزىنىڭ قاي باعىتقا ۇشىپ بارا جاتقانىن وقىرماندارىنا كورسەتۋ ءۇشىن، الەۋمەتتىك جەلىگە بيلەت سۋرەتىن سالادى. ول ءۇشىن كوپتەگەن "جولىڭىز بولسىن", ء"ساتتى ساپار" دەگەندەي پىكىرلەر الىپ ءبىر مارقايىپ قالادى. الايدا، كومپيۋتەردى جەتىك مەڭگەرگەن حاكەرلەر ءسىزدىڭ وسى قۇجاتىڭىزدى نازاردا ۇستاسا، وندا ءسىز بارار جەرىڭىزگە جەتە الماي قالۋىڭىز مۇمكىن. سەبەبى بيلەتتىڭ شتريحكودى ءسىز تۋرالى بارلىق ماعلۇماتتى بەرەدى. اتى-ءجونىڭىز، قايدا باعىت العانىڭىز، قانشا جۇگىڭىز بار، كەيدە ءتىپتى مولشەردەن جوعارى قاراجات الىپ بارا جاتقانىڭىزدى دا بىردەن بايقايدى. سول ارقىلى ءسىزدىڭ رەيىسىڭىزدى وزگەرتىپ، بولماسا توقتاتىپ قانا قويماي، قاۋىپكە دۋشار ەتۋى دە عاجاپ ەمەس. سوندىقتان وزىڭىزگە اباي بولۋ ءۇشىن بيلەتتىڭ شتريحكودىن بۇلىڭعىرلاپ نەمەسە جاسىرىپ سالعانىڭىز.

نۇرسۇلۋ نايمانوۆا

Abai.kz


0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2300
ادەبيەت

«سولاي ەمەس پە؟»

عابباس قابىشۇلى 2650
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2739
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1740