قازاقستاندىق شاحمات سپورتىنىڭ حاس شەبەرى جانسايا ابدىمالىك ەۋرازيانىڭ ەڭ سۇلۋ شاحماتشىسى اتاندى. حالىقارالىق شاحمات فەدەراتسياسىنىڭ رەسمي سايتىندا وتكەن ساۋالنامادا وتانداسىمىز حاس سۇلۋ اتاندى.

17 جاستاعى قازاق شاحماتشى قىزىنا 9136 ادام داۋىس بەرگەن. ەكىنشى ورىنعا 23 جاستاعى وزبەكستاندىق سارۆينوز قۇربونبوەۆا يە بولدى. ول 7848 داۋىس جيناپتى. ءۇشىنشى ورىن 653 داۋىس جيناعان تاجىك قىزى مۋتريبا حوتاميگە بۇيىرىپتى.  ايتا كەتەيىك، سايىسقا بۇل ءۇش سپورتشىدان بولەك پولشا، ءازىربايجان، ءۇندىستان، يران، قىرعىزستان ەلىنىڭ شاحماتشى ارۋلارى قاتىسقان ەدى.  جانسايا ابدىمالىك - حالىقارالىق دارەجەدەگى گروسسمەيستەر. قازىرگى ۋاقىتتا ول حالىقارالىق شاحمات فەدەراتسياسى تىزگەن قىز-كەلىنشەكتەر اراسىنداعى رەيتينگتە 43-ورىندا كەلەدى. 

نۇرسۇلۋ نايمانوۆا

Abai.kz