قازاقستاندا اي-92 بەنزينىنىڭ باعاسى ءوستى، دەپ حابارلايدى "tengrinews.kz". "قازمۇنايگاز" جانارماي بەكەتتەرىندە بەنزين باعاسى 137 تەڭگەدەن 139 تەڭگەگە وسكەن. ال اي-95 بەنزينىنىڭ ءليترى 150 تەڭگەدەن ساتىلىپ جاتىر. 

Sinooil جانارماي بەكەتتەرىنىڭ سايتىنادا اي-92 باعاسى 140 تەڭگە ەكەنى جازىلعان. اي-95 152 تەڭگە. Helios جانارماي بەكەتتەرىندە اي-92 138 تەڭگە، ال اي-95 150 تەڭگە. 

"اۋريكا" جانارماي بەكەتى اي-92 بەنزينىن 145 تەڭگەدەن ساتىپ جاتىر. ال اي-95 ماركاسىن ءليترى 161 تەڭگەدەن.

"گازپرومنەفت" جانارماي قۇيۋ بەكەتتەرى جەلىسىندە اي-92 ءليترى 139 تەڭگەدەن 141 تەڭگەگە وسكەن. اي-95 بەنزينى 153 تەڭگە كولەمىندە قالىپ وتىر. 

ەسكە سالايىق، مۇنىڭ الدىندا "قازمۇنايگاز ونىمدەرى" كومپانياسىنىڭ وكىلدەرى اي-95 ماركالى بەنزينى 145 تەڭگەگە دەيىن قىمباتتاۋى مۇمكىن ەكەنىن ايتقان. قاڭتاردىڭ ورتاسىندا اي-92 باعاسى ءىرى جانارماي ستانتسيالارىندا ليتىرىنە 137 تەڭگە كولەمىندە بەكىتىلگەن بولاتىن. بۇل بەنزين ماركاسىنىڭ قىمباتتاۋى  قاڭتاردىڭ باسىندا كوتەرمە باعاسىنىڭ وسۋىنە بايلانىستى. بۇل سوممانى ليتىرىنە شاققاندا ساتىپ الۋ باعاسى 3,4-5 تەڭگەگە قىمباتتاعان. 

اباي اقپارات