كەشە كەشكىسىن تۇركيالىق فاحيرا قارا ەسىمدى ايەلدىڭ باسىنان وتكەندەرىن وقىپ، جازباسقا امالىم قالمادى.

1990 جىلى كۇيەۋى ابدۋللامەن مەككەگە قاجىلىق پارىزىن وتەۋگە اتتانعان ايەلدىڭ تۇركيادا 12 بالاسى قالادى. ەڭ كىشىسى - 9 ايلىق بولعان ەكەن. ءدال سول جىلى كۇن قاتتى ىسىپ، 45 گرادۋستىق ىستىقتا مينا مەن مەككەنى جالعايتىن جەر استى جولىنداعى سالقىنداتقىش ىستەمەي قالادى. اياق استىنان بولعان ابىر-سابىردا 1,5 مىڭعا جۋىق ادام اجال قۇشتى دەگەن دەرەك بار. ايەلىن سول كەزدە جوعالتقان ابدۋللا ونى ىزدەپ-ىزدەپ تابا الماعان سوڭ، تۇركياعا كەلىپ ونى ءولدى دەپ جاريالايدى.

سۇيتسە، بەيشارا ايەلدى ءتۇبى يەمەننەن شىققان اۋرۋحاناداعى سانيتار اراب ۇرلاپ كەتىپ، 6 جىل بويى قاماپ ۇستاعان. تەك، 3 بالا تۋعىزعان سوڭ عانا كوشەگە شىعۋىنا رۇقسات بەرگەن. ال، مەدينا تۇرعىندارى "ۇرلانعان ايەل" تاعدىرىن بىلسە دە، كوزدەرىن جۇمىپ قاراعان. ەندى، تۇركيالىق جۋرناليست ميۋگە انلى ارنايى جۇرگىزەتىن باعدارلاما كورسەتكەننەن كەيىن فاحيرانىڭ تاعدىرىن قالىڭ جۇرت ءبىلدى. ونىڭ ىشىندە ءبىز پاقىردى دا قوسىپ قويىڭىز.

تاعى ءبىر قىزىعى - فاحيرا 80 جاستاعى "كۇيەۋىن" ساۋد زاڭىمەن جازالاۋدى تالاپ ەتسە، ونى بالالارىنىڭ كوزىنشە دارعا اسادى. ال، ءوزى ونىڭ ايەلى ەكەنىن مويىنداسا، نەكەسىز بالا تۋعانى ءۇشىن تاسپەن اتىپ ولتىرەدى. ەندى بۇل ايەلدىڭ بولاشاق تاعدىرىن رەدجەپ تايىپ ەردوعان ساۋد كورولىمەن ارنايى سويلەسىپ، شەشۋگە ۋادە بەرىپتى. بىرەۋلەر اراب كۇيەۋدەن قۇتىلا الماي دال بولۋدا. ەندى بىرەۋلەر اراب پەن اراب كۇيەۋگە جەتە الماي "ارمانداۋدا".

ولجاس بەركىنباەۆ

Facebook-تەگى پاراقشاسىنان