بەلگىلى يسلامتانۋشى قايرات جولدىبايۇلى Facebook-تەگى جەكە پاراقشاسىندا ۇلتتىق پانتەونعا قاتىستى پىكىرى جاريالانعان بولاتىن. وندا ء«دىنتانۋشى پانتەونعا يسلام جانە حريستيان ءدىنىنىڭ وكىلدەرى قاتار جەرلەنىپ جاتقانىنا نارازىلىعىن بىلدىرگەن». بۇگىندە اتالعان تاقىرىپ بويىنشا الەۋمەتتىك جەلى قولدانۋشىلار پىكىرى ەكىگە ءبولىنىپ قارما-قارسى پىكىرلەر تۋىنداعانى بايقالدى.

(وسى ورايدا ءبىز ءدىنتانۋشى قايرات جولدىبايۇلىنىڭ پىكىرىن تولىق بەرۋدى ءجون سانادىق).

قايرات جولدىبايۇلىنىڭ الەۋمەتتىك جەلىدەگى جازباسى

- ۇلتتىق پانتەون قۇرىلىسىنا قىرۋار قارجى ءبولىنىپ جاتىر. ول جاعىنا مەن ارالاسپاي-اق قويايىن. بىراق ماسەلەنىڭ ءدىن مامانى رەتىندە مەن ارالاسپاسام بولمايتىن تارابى بار. پونتەوندا مۇسىلماندار مەن وزگە ءدىن وكىلدەرى بولىنبەگەن. قاتار جەرلەنۋدە. بۇل شاريعاتقا دا، قازاق داستۇرىنە دە قايشى. عۇلامالار باسقا ءدىن وكىلدەرىنىڭ زيراتىنا جەرلەنگەن مۇسىلماندى قايتا جەرلەۋ كەرەكتىگىن ايتقان. مۇنىڭ الدى الىنباسا، بولاشاقتا ءدىني دۇردارازدىققا، ءتىپتى ۇلتارازدىققا سەبەپ بولۋى مۇمكىن. ەرتەڭ باسقا ءدىن وكىلدەرىنىڭ əرۋاعىنا قۇرمەت رەتىندە زيرات باسىندا اراعىن ءىشىپ، شاريعاتقا قايشى ءتۇرلى əرەكەتتەرىن جاساپ جاتقانىن كورگەن مۇسىلمان بالاسى قانداي كۇيدە بولۋى مۇمكىن؟!

جالپى ءدىنتانۋشى بۇل ارادا نەنى تۇسىنبەي وتىر؟

جالپى ۇلتتىق پانتەوندى قۇرۋدىڭ ماقساتى – مەملەكەتكە، عىلىمعا، مادەنيەتكە ەرەكشە ۇلەس قوسقان تۇلعالاردىڭ ەسىمىن ماڭگىلىك ەستە قالدىرۋ نەگىزىندە جوسپارلانعان.

پانتەوننىڭ جوسپارى جاسالعاندا ءدىن ىستەرى كوميتەتى تاراپىنان مايىتتەردى ءبولىپ جەرلەۋ ماسەلەسى قاراستىرىلىپ، ارنايى ءدىن ماماندارى مەن اقىلداسا وتىرىپ جاسالعان. وندا مۇسىلماندار مەن حريستيان تامدارىنىڭ اراسى ادام جۇرەتىن تاس جولمەن ءبولىنىپ ارنايى اعاشتار وتىرعىزىلاتىنى جوسپارلانعان. جالپى پانتەونعا بولىنگەن جەردىڭ ۇلكەندىگىنە بايلانىستى جوسپارعا ساي جەرلەردى ءبولۋ مەن ولاردىڭ اراسىنا قورشاۋ قويۋ جۇمىستارى ءالى تولىق بىتپەگەن.

بۇگىنگى تاڭدا وسى ماسەلە بويىنشا ناقتى جۇمىستار جۇرگىزىلۋدە. سوندىقتان ءالى تولىق يگەرىلمەگەن بىراق جوسپاردا قاراستىرىلعان جۇمىس نەگىزدەرىن قوعامعا تاراتىپ حالىق اراسىندا جانساق پىكىر مەن تەرىس كوزقاراس قالىپتاستىرۋدىڭ قاجەتى جوق دەپ ويلايمىن.

تانا بايۇلى، تەولوگ

Abai.kz