جۇما, 29 ناۋرىز 2024
عيبىرات 5595 0 پىكىر 24 اقپان, 2017 ساعات 11:45

جەتىمدەر ءۇيىنسىز – جەتىسۋ

الماتى وبلىسىندا قازىرگى تاڭدا جەتىم جانە اتا-اناسىنىڭ قامقورلىعىنسىز قالعان  3 مىڭنان استام بالا بار، ونىڭ 83 پايىزى وتباسىلىق تاربيەگە الىنعان، اتاپ ايتساق، ولاردىڭ – 2479 قامقورلىققا، 63-ءى پاتروناتتىق تاربيەگە، 35-ءى وتباسىلىق ۇلگىدەگى بالالار ۇيلەرىندە تاربيەلەنۋدە. ال، قالعان 536 بالا ءبىلىم، دەنساۋلىق ساقتاۋ، الەۋمەتتىك قورعاۋ جۇيەسىنىڭ ينتەرناتتىق مەكەمەلەرىندە، - دەپ حابارلايدى اباي-اقپارات الماتى وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساي وتىرىپ.

بيىل، ياعني 2017 جىلى قازاقستان رەسپۋبليكاسىنداعى بالا قۇقىقتارى جونىندەگى ۋاكىل جانە الماتى وبلىسىنىڭ اكىمدىگى مەن پروكۋراتۋراسى اراسىندا «بالالار ءۇيىسىز جەتىسۋ» جوباسىنا قول قويىلدى. بۇل جوبانىڭ ماقساتى 2020 جىلعا قاراي جەتىم جانە اتا-اناسىنىڭ قامقورلىعىنسىز قالعان بالالارعا ارنالعان مەكەمە تاربيەلەنۋشىلەرىنىڭ 50%-دان استامىن وتباسىلاردىڭ تاربيەسىنە بەرىپ، سونىڭ ناتيجەسىندە اتالعان مەكەمەلەردىڭ سانىن ايتارلىقتاي ازايتىپ، ولاردى وتباسى مەن بالالىقتى قولداۋ ورتالىقتارىنا قايتا قۇرۋ جوسپارلانعان.

وسى ورايدا ايتا كەتەيىك، جوعارىدا اتالعان توپتاعى بالعىندار سانى جىلدان جىلعا ازايۋدا. ماسەلەن، 2014 جىلى وبلىستا جەتىم جانە اتا-اناسىنىڭ قامقورلىعىنسىز قالعان 3 568 بالا بولسا، قازىرگى كەزدە ولاردىڭ سانى 455 بالاعا قىسقارعان.

–  سوڭعى جىلدارى بالالار ۇيلەرىنەن الىنىپ، وتباسىلىق تاربيەگە ورنالاستىرىلعان ورەندەر سانىنىڭ كوبەيگەندىگىن دە اتاپ ايتۋ قاجەت. مىسالى، 2014 جىلى – 109 بالا، 2015 جىلى – 145,   2016 جىلى 109 بالا وتباسىلىق تاربيەگە ورنالاستىرىلدى. سونىڭ ناتيجەسىندە 2015 جىلى ەسىك قالاسىنداعى جانە جامبىل اۋدانى قاراقاستەك اۋىلىنداعى سابيلەر ءۇيى، ۇشتوبە بالالار ءۇيى جابىلدى. جالپى، «بالالار ءۇيىسىز جەتىسۋ» جوبا اياسىندا بيىل وبلىستىق بيۋدجەتتەن 120 بالانى پاتروناتتىق تاربيەگە ورنالاستىرۋعا 140 ملن. تەڭگە، 20 وتباسى ۇلگىسىندەگى بالالار ءۇيىن اشۋعا 90 ملن. تەڭگە قاراستىرىلدى، - دەدى الماتى وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ءبىلىم باسقارماسى قورعانشىلىق جانە قامقورشىلىق ءبولىمىنىڭ باسشىسى اليام مولوتوۆا.

اbai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591