تاجىكستان مەن رەسەي دەلەگاتسيالارى ەڭبەك ميگرانتتارى ماسەلەسىن تالقىلادى. تاجىك پرەزيدەنتى ەمومالي راحمون ماسكەۋدەن رەسەيدە ءتارتىپ بۇزعانى ءۇشىن دەپورتاتسيالانعان ميگرانتتارعا راقىمشىلىق بەرۋىن سۇرادى. پۋتين بۇل ماسەلەنى شەشۋگە ۋادە بەردى.

"تاجىك جاستارىنىڭ رەسەيدە ءبىلىم الۋىمەن قاتار، تاجىكستاندا جالپى ءبىلىم بەرۋ مەكتەپتەرىندە ورىن ءتىلىن وقىتۋ ماسەلەسى دە وزەكتى بولىپ تۇر", دەلىنگەن مالىمدەمەدە.

تاجىكستان مەن رەسەي اۋىل شارۋاشىلىق، توقىما جانە تاۋ-كەن وندىرىسىندە، ەنەرگەتيكا مەن مۇناي-گاز سالالارىندا ارىپتەستىكتى جالعاستىرادى، دەلىنگەن ءپۋتيننىڭ دۋشانبەگە ساپارىنىڭ قورىتىندىلارىنا ارنالعان مالىمدەمەدە. وندا قورعانىس سالاسىن كۇشەيتۋگە دە ەرەكشە كوڭىل بولىنگەن.

ۆلاديمير پۋتين ۇلت سارايىندا ەمومالي راحمونعا ەكى مەملەكەت اراسىنداعى ارىپتەستىكتىڭ دامۋىنا قوسقان ۇلەسى ءۇشىن الەكساندر نەۆسكي وردەنىن تاپسىردى.

اباي اقپارات