جۇما, 29 ناۋرىز 2024
دەپ جاتىر 5596 0 پىكىر 28 اقپان, 2017 ساعات 15:51

ەلىمىزدەگى ەلەكتروندى كۇندەلىكتى پايدالاناتىن ۇستازدار سانى 175 مىڭنان استى

ۇستازدارعا ەلەكتروندى كۇندەلىك پەن قاتار قاعاز كۇندەلىك تولتىرۋدى ماجبۇرلەيتىن باسشىلىقپەن ەرلان ساعاديەۆتىڭ ءوزى سويلەسەدى. ءبىلىم جانە عىلىم ءمينيسترى ۇكىمەت وتىرىسىندا وسىلاي دەدى. ياعني مۇعالىمدەر قايسىسى ىڭعايلى سونى پايدالانۋى كەرەك. ايتا كەتكەن ءجون، بۇگىندە «ەلەكتروندى كۇندەلىك» جۇيەسىن قولداناتىن ۇستازداردىڭ سانى 174 مىڭنان استى. 1,4 ملن وقۋشى مەن 800 مىڭنان استام اتا-انا دا بۇل جۇيەنىڭ كومەگىنە جۇگىنەدى ەكەن. ەلەكتروندى جوبا تەگىن. الايدا، كەيبىر قىزمەت تۇرلەرى اقىلى.


ەرلان ساعاديەۆ، قر ءبىلىم جانە عىلىم ءمينيسترى: - قوسىمشا اقشا تولەيتىن سەرۆيستەر بەرىلگەن، بىراق سەرۆيستەر اتا-انالارعا كەرەك بولماسا، وندا ونى سول سەرۆيستەرگە ساتىپ ال دەپ ەشكىم قيناپ جاتقان جوق. ول بىرىنشىدەن. ەكىنشىدەن، قازىر بىزدە بىرنەشە ءوزىمىزدىڭ پروتسەدۋرامىز بار. ەڭ الدىمەن كوميسسيا قۇرىپ، كوميسسيا ءار كومپانيالارمەن سويلەسىپ، سول كومپانيامەن ءبىر كەلىسىمگە كەلەدى. سول كۇنى ءبىز مەكتەپتەرگە كۇندەلىكتى اشىق تۇردە ەنگىزە باستايمىز. بۇدان بولەك مينيستر وقۋشىعا لىق تولعان سىنىپتاردىڭ جايىن دا ءسوز ەتتى.

 «ماسەلەن 11-سىنىپتا 220 مىڭ بالا ءبىلىم السا، 1-سىنىپتاعى وقۋشىلاردىڭ سانى بۇدان 2 ەسە كوپ. بۇل ماسەلەنى شەشۋ ءۇشىن بىلتىر102 مەكتەپ سالىنعان. بۇل ءىس قازىر دە جالعاسىپ جاتىر. دەگەنمەن، اۋىلدان قالاعا كوشىپ جاتقان وقۋشىلاردىڭ سانى ارتىپ، بالا تۋ كورسەتكىشى ءوسىپ جاتقاندىقتان ولقىلىقتاردى تۇبەگەيلى جويۋ مۇمكىن بولماي تۇر. ال ۇستازداردىڭ جالاقىسىن كوتەرۋ ماسەلەسى كەلەر جىلدان باستاپ بىرتىندەپ شەشەمىز»، - دەدى مينيستر.

 

نۇرسۇلۋ نايمانوۆا

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621