ايسۇلتان نازارباەۆ قازاقستان فۋتبول فەدەراتسياسىنىڭ ۆيتسە-پرەزيدەنتى بولىپ تاعايىندالدى.

بۇل تۋرالى قفف رەسمي سايتىندا حابارلاندى.

«2017 جىلدىڭ 28 اقپان كۇنى قازاقستان فۋتبول فەدەراتسياسى اتقارۋشى كوميتەتىنىڭ شەشىمىمەن فيفا، ۋەفا حالىقارالىق ۇيىمدارى جانە ۇلتتىق قاۋىمداستىقتارمەن بايلانىس بويىنشا ۆيتسە-پرەزيدەنت مىندەتىن اتقارۋشى قىزمەتىنە ايسۇلتان نازارباەۆ تاعايىندالدى»، دەلىنگەن حابارلامادا.  ايسۇلتان نازارباەۆ 1990 جىلى تۋعان. ۇلىبريتانيانىڭ Royal Military Academy Sandhurst وقۋ ورنىن بىتىرگەن. كيمەپ ۋنيۆەرسيتەتىنىڭ ماگيستراتۋراسىن «بيزنەس-اكىمشىلەندىرۋ» ماماندىعى بويىنشا تامامداعان. اسكەري بورىشىن جامبىل وبلىسىنداعى وتار ستانساسىنا تاياۋ جەردەگى اسكەري بولىمدە، قورعانىس مينيسترلىگىنىڭ باس بارلاۋ باسقارماسىندا وتەگەن. 2016 جىلى استانالىق «راحات» كلۋبىنىڭ ساپىندا ەكى ماتچ وتكىزگەن، سونداي-اق قازاقستان جاسوسپىرىمدەر قۇراماسى قۇرامىندا ەۆروپا-2006 چەمپيوناتىنىڭ ىرىكتەۋ تۋرنيرىنە قاتىسقان. ستۋدەنت شاعىندا انگليانىڭ «چەلسي» جانە «پورتسمۋت» جاستار كوماندالارىندا ويناعان. «پورتسمۋت» ساپىندا ونەر كورسەتكەن جىلدارى جاستار اراسىنداعى انگليا چەمپيوناتىنىڭ قولا جۇلدەسىن جەڭىپ العان دەپ جازادى kazinform.kz سايتى.