جۇما, 29 ناۋرىز 2024
جاڭالىقتار 3473 0 پىكىر 3 ناۋرىز, 2017 ساعات 17:58

كونستيتۋتسيالىق وزگەرىستەر رەفەرەندۋمعا نە ءۇشىن جىبەرىلمەدى؟ بۇل ساۋالعا پرەزيدەنت تۇسىنىك بەردى

قر پرەزيدەنتى نۇرسۇلتان نازارباەۆ كونستيتۋتسيالىق رەفورمانى دەپۋتاتتىق كورپۋسقا نە ءۇشىن سەنىپ تاپسىرعانىن ايتىپ بەردى، دەپ xابارلايدى قازاقپارات.  "مەن پارلامەنت دەپۋتاتتارىنان ءبىزدىڭ زاڭنامالار مەن ۇردىستەردى ساقتاي وتىرىپ، كوپكە سوزباي اتالمىش زاڭ جوباسىن قاراستىرۋدى سۇرايمىن", - دەدى پرەزيدەنت پارلامەنت پالاتالارىنىڭ بىرلەسكەن وتىرىسىندا كونستيتۋتسيالىق وزگەرىستەردى مەڭزەپ. "كونستيتۋتسيانى وزگەرتۋدىڭ ەكى جول بار. پرەزيدەنت تالقىلاۋدان كەيىن وزگەرىستەردى جالپىxالىقتىق رەفەرەندۋمعا جىبەرە الادى نەمەسە پارلامەنت شەشىمىمەن وزگەرتىلەدى. ەلىمىزدىڭ نەگىزگى ساياسي بيلىك جۇيەسى وزگەرىسكە ۇشىرامايتىندىعىن ەسكەرسەك، رەفورما ادامنىڭ نەگىزگى قۇقىقتارى مەن ەركىندىگىنە جاناسپايتىندىقتان، قاراجات پەن ادامي رەسۋرستار شىعىنداپ، رەفەرەندۋم وتكىزۋدىڭ قاجەتتىلىگى شامالى. سوندىقتان حالىق سايلاعان دەپۋتاتتىق كورپۋس كونستيتۋتسياعا سايكەس، اتالعان زاڭداردى ەنگىزۋگە قۇقىلى. سول سەبەپتى مەن ەكىنشى جولدى تاڭدادىم. پارلامەنت ءوزىنىڭ زاڭ شىعارۋ مىندەتىن ابىرويمەن اتقارىپ شىعاتىنىنا سەنىمدىمىن. ءبىزدىڭ ماقساتىمىز ءبىر - مەملەكەتتى باسقارۋ جۇيەسىن ودان ءارى ءتيىمدى، تۇراقتى، قازىرگى زامانعا ساي ەتۋ. ءبىزدىڭ جول - قوعامىمىزدىڭ دەموكراتيالىق دامۋ جولى ەكەنىن تاعى ناقتىلايدى", - دەدى ەلباسى. مەملەكەت باسشىسىنىڭ ايتۋىنشا، قازىرگى قازاقستاننىڭ بيلىك جۇيەسىندە ورىن الىپ جاتقان وزگەرىستەر قوعامدى دەموكراتيالاندىرۋدىڭ كەلەسى كەزەڭدەرىنىڭ ءبىرى. سونىمەن قاتار، ەلباسىنىڭ سوزىنشە، اتالمىش وزگەرىستەر قازاقستاننىڭ الەمنىڭ دامىعان 30 مەملەكەتىنىڭ قاتارىنا قوسىلۋىنا دا ءوز ىقپالىن بەرەدى. "جاقىن جىلدارى ەكونوميكانىڭ ءوسىمىن 5%-عا جەتكىزۋ قاجەت. 25 جىلدا الەمنىڭ دامىعان 30 ەلدەرىنىڭ قاتارىنا ەنگەن جالعىز ەل بار، ول - وڭتۇستىك كورەيا. سوندىقتان بۇل ءىس سونشالىقتى وڭاي ەمەس. بارلىعى تىرىسۋدا. ءبىز دە سوعان تىرىسامىز. باسەكەلەستىك جاعدايىندا ءبىز قاجەتتى جۇمىستى جاساۋىمىز كەرەك. باسكەلەستىك - ءار ادامنىڭ باسەكەگە قابىلەتتىلىگى. سول سەبەپتى ءبىلىم بەرۋ ساپاسى مەن مامانداردىڭ جوعارى بىلىكتىلىگى وتە ماڭىزدى. ەگەر ۇكىمەتتىڭ قۇرامىن قارايتىن بولساق، ولاردىڭ ورتاشا جاسى شامامەن 40 جاستا، جوعارى ءبىلىمدى، اعىلشىن ءتىلدى، وزگە ەلدەردىڭ تاجىريبەلەرىن يگەرە الاتىن ازاماتتار. ءبىز الەمنىڭ دامىعان 30 مەملەكەتىنىڭ قاتارىنا ەنۋدى ماقسات ەتىپ وتىرمىز. بارلىعىن تەك سول ءۇشىن جاساۋدامىز. ساياسي جانە تەxنولوگيالىق جاڭعىرتۋلار دا سول ماقساتتا قولعا الىنۋدا. ونى ءاردايىم ەستە ساقتاۋ كەرەك", - دەدى ن. نازارباەۆ. 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606