جۇما, 29 ناۋرىز 2024
ەندى قايتتىك؟.. 9414 0 پىكىر 14 ناۋرىز, 2017 ساعات 12:40

بيلىكتە كادر تاپشىلىعى تاعى بايقالدى

بۇگىن ەلباسى نۇرسۇلتان نازارباەۆ قاراعاندى وبلىسىنىڭ جاڭا اكىمىن تاعايىندادى. ول قر پرەمەر-ءمينيستردىڭ بۇرىنعى كەڭەسشىسى ەرلان جاقانۇلى قوشانوۆ. 

قاراعاندى وبلىسىنا جۇمىس ساپارىمەن بارعان مەملەكەت باسشىسى وبلىستىق ءماسليحات سەسسياسىنا قاتىسقان. بۇعان دەيىن وبلىس اكىمى ورىنتاعى نۇرمۇحامبەت ابدىبەكوۆكە تيەسىلى بولىپ كەلگەن. 

قوشانوۆ قاراعاندىنىڭ ءوز بالاسى. 1962 جىلى 14 تامىزدا دۇنيەگە كەلگەن. قاراعاندى پوليتەحنيكالىق ينستيتۋتىنىڭ جەزقازعان فيليالىن (1984) ينجەنەر مەحانيك ماماندىعىن تامامداعان، كەيىنىرەك كسرو سىرتقى ساۋدا اكادەمياسى جانىنداعى جوعارى كوممەرتسيالىق مەكتەپتى (1991) جانە قازاق مەملەكەتتىك باسقارۋ اكادەمياسىن (1999) بىتىرگەن، ماماندىعى بويىنشا - ەكونوميست. مەملەكەتتىك قۇرىلىمداعى تاجىربيەسىنە قاراساق، ءار جىلدارى كوميتەت باسقارعان، ۆيتسە-مينيستر بولعان پرەمەردىڭ كومەكشىسى بولعان.

استانا اتىنا مىنگەن بە، ايتەۋىر اۋىس-ءتۇيىس باستالدى. كەيبىر بولجامدارعا سۇيەنسەك، ماڭعىستاۋ وبلىسىنىڭ اكىمى اليك ايدارباەۆ قىزمەتىنەن كەتۋى بەك مۇمكىن. ماڭعىستاۋ جۇرتىنا باسشىلىق قىزمەتكە "نۇر وتاننىڭ" ءبىرىنشى حاتشىسى مۇحتار ابرارۇلى قۇل-مۇحامەد بارادى-مىس.

اكىمدىڭ كرەسلودا تاپجىلماي وتىرۋدان وزىندىك رەكورد ورناتقان لاتيفۋنديست اكىم سەرگەي كۋلاگين دە جاقىن ارادى جۇمىسسىز قالاتىن كورىنەدى. ونىڭ ورنىنا اقمولا وبلىسىن قۇمار اقساقالوۆ باسقارادى دەگەن بولجامدار ايتىلۋدا.

ازىرگە بىزگە بەلگىلىسى قاراعاندىداعى اۋىس-ءتۇيىس. دەگەنمەن ەلباسىنىڭ پارمەنىمەن جاسالىپ جاتقان اۋىس-تۇيىسكە نازار اۋدارساق، كادرلىق "تاپشىلىقتىڭ" لەبى سەزىلەتىن سەكىلدى. بۇل تۋرالى ساياساتكەرلەر نە دەيدى؟

ءامىرجان قوسانوۆ، ساياساتكەر:

- كادرلىق تاعايىنداۋلارعا توقتالاتىن بولساق، بۇل بىرىنشىدەن قىزىق جاعداي. ورىستار ايتاتىن "ۋتەچكانىڭ" شىعىپ كەتۋى توسىن جاي. قاي وبلىسقا قانداي اكىم تاعايىندالاتىنى تۋرالى الدىن-الا اقپاراتتىڭ باق-تا نەمەسە باسقا جەرلەردە جاريالانىپ كەتۋى ءبىر جاعىنان قاۋىپتىلەۋ. سەبەبى، بىزدەگى توپارالىق تالاس-تارتىستىڭ ورشۋىنە سەبەپ بولاتىن دۇنيە. مەن ۇكىمەتتە جۇرگەن كەزدە ەسىمدە، ەلباسى جارلىق قويىپ، ول فاكت باق-تا جاريالانباي ەلگە ءمالىم بولىپ،ال ەرتەسى كۇنى ءبىز كۇتپەگەن مۇلدە باسقا ادام لاۋازىمدى قىزمەتكە تاعايىندالىپ جاتاتىن كەزدەر بولعان.

ەكىنشىدەن، بۇل ەلباسىنىڭ كادرلىق ساياساتى جايلى ايتار بولساق، ەش جاڭالىق جوق. سول اينالىمداعى كادرلار. ريتوريكا عانا جاسالادى، ال ناتيجە سول باياعى جارتاس ءبىر جارتاس. ءبىر اكىم كەلەدى، ءبىرى كەتەدى. ودان وزگەرىپ جاتقان نە بار؟.. جاڭا كەلگەن اكىم ءوزىنىڭ باعدارلاماسىن نەگە ەلدىڭ الدىندا تانىستىرمايدى؟ نەگە ىستەگەن جۇمىستارى تۋرالى قورىتىندى ەسەپ بەرمەيدى؟ كەلەدى، كەتەدى. بۇل فيزيكاداعى "بروۋندىق قوزعالىس" سەكىلدى عوي. بەي بەرەكەت اۋىس-ءتۇيىس. مەملەكەتتىڭ ايماقتىق ساياساتىنا وزگەرىس اكەلەتىن ءبىر كادر جوق.

ءتۇيىن. بۇل ارادا ءبىرازدان بەرى باسى داۋدان ارىلماي كەلە جاتقان ءبىلىم جانە عىلىم ءمينيسترى ەرلان ساعاديەۆتىڭ دە جۇمساق كرەسلوسى بوسايتىن كورەنەدى. ونىڭ ورنىنا ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ مىرزا بارادى دەگەن بولجامدار ايتىلۋدا.

نۇرگەلدى ابدىعانيۇلى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576