جەكسەنبى, 9 تامىز 2020
COVID-19 قازاقستاندا. جۇقتىرعاندار — 98701. جازىلعاندار — 72273. قايتىس بولعاندار — 1058
بىلگەنگە مارجان 3819 3 پىكىر 17 ناۋرىز, 2017 ساعات 14:27

«حابار» ارناسىنان مەرەكەلىك شاشۋ (فوتورەپورتاج)

ناۋرىز مەيرامى قارساڭىندا «حابار» تەلەارناسىندا «شايحانا مەن تويحانا» ميۋزيكلى كورسەتىلمەك. ءتۇسىرىلىم جۇمىستارىنىڭ ەڭ قىزىقتى ساتتەرىن ءبىزدىڭ فوتورەپورتاجدان كورىڭىزدەر.  

كارتينا جەلىسى بويىنشا وقيعا شىمكەنت قالاسىندا ءبىر-بىرىنە قاراما-قارسى ورنالاسقان ەكى مەيرامحانا يەلەرىنىڭ اراسىندا باستالادى. اشىلعان كۇنەن باستاپ باسەكەلەس بولعان قالدىباي مەن حايرۋللا قوناقتارعا تالاسىپ، تالاي قىزىققا تاپ بولادى. ولاردىڭ اراسىنداعى باقتالاستىق بۇگىندە بيزنەس ەمەس، وتباسىلىق قارسىلاستىققا اينالعان.

ەگەر قالدىبايدىڭ قىزمەتكەرلەرى تويحانانىڭ الدىن كۇنىنە ەكى رەت تازالاسا، حايرۋللانىڭ قىزمەتكەرلەرى ءبىرىنشى سۋ شاشىپ، كەيىن اۋلانى ءتورت رەت سىپىرىپ شىعادى. حايرۋللا باقشاسىنا الما اعاشىن وتىرعىزسا، قالدىباي تويحانانىڭ الدىنا پالما ەگىپ ءبارىن تاڭقالدىرماق. كليەنت كەلگەندەگى ەكى جاقتىڭ تارتىسى ءتىپتى قىزىق. ولاردىڭ ارقايسىسى قوناقتى ءوز مەيرامحاناسىنا كىرگىزۋ ءۇشىن «سوعىسۋعا» دايىن. قالدىباي بالداي قىمىز بەن قۋىرداق ۇسىنسا، حايرۋللا «جاڭا پىسكەن پالاۋدىڭ ءتىل ۇيىرەر دامىنە جەتەر ەشنارسە جوق» دەيدى. ەكى كورشىنىڭ بۇل ارەكەتتەرى كۇندەلىكتى قايتالانا بەرگەندىكتەن، قىزمەتكەرلەر عانا ەمەس، قوناقتار دا بۇعان ۇيرەنگەندەي. 

ولاردىڭ اراسىنداعى كيكىلجىڭ شەگىنە جەتكەن تۇستا، حايرۋللا مەن قالدىبايدىڭ باۋىرلارى ءبىرىن-ءبىرى ۇناتاتىندىعى انىقتالادى. ەكى عاشىقتىڭ ماحابباتى جاۋلاسقان كورشىلەردىڭ جۇرەكتەرىن جىبىتە الار ما ەكەن،  بۇل «سوعىستىڭ» سوڭى ۇلان اسىر تويمەن اياقتالادى ما الدە تويدىڭ دا شىرقى بۇزىلار ما، مۇنى 22 ناۋرىز كۇنى كورەسىزدەر.

- جىلداعى ءداستۇر بويىنشا «حابار» تەلەارناسى ناۋرىز مەرەكەسىنە وراي كورەرمەندەرىنە كوپتەگەن سىي ازىرلەۋدە. سولاردىڭ ءبىرى «شايحانا مەن تويحانا» ميۋزيكلى. جوبانىڭ باستى ەرەكشەلىگى ەلىمىزدىڭ ونتۇستىگىنە بارىپ تۇسىرگەندىگىمىز. وزدەرىڭىز بىلەتىندەي ول ايماققا كوكتەم ەرتە كەلەدى، كۇن جىلى، اۋا-رايى قولايلى بولدى. وسى ءبىر ميۋزيكل ارقىلى وڭتۇستىك حالقىنىڭ ناۋرىزدى قالاي تويلايتىنىن، سالت-داستۇرلەرىمىزدى، سونداي-اق وسىناۋ ەسكى مەيرامنىڭ تۇپكى ماقساتى – بىرلىك، دوستىق پەن تاتۋلىق ەكەنىن كورسەتكىمىز كەلدى»، - دەيدى جوبا جەتەكشىسى ىسقاق دۇيسەمبايۇلى. 

تەاترلاندىرىلعان قويىلىمدا المات ساقاتوۆ، جاناتبەك بايتەكەنوۆ، جۇلدىزاي دۇيسەنبيەۆا، ايگەرىم قالاۋباەۆا، جىگەر اۋىپباەۆ، جۇلدىز ومىرعالي سىندى تانىمال ونەر يەلەرى باستى رولدەردى سومدايدى.

Abai.kz

3 پىكىر