استاناداعى اينەگى شىتىناعان «بايتەرەكتى» جوندەۋگە بيۋدجەتتەن 400 ميلليون تەڭگە بولىنبەك ەكەن. بۇل تۋرالى «كتك ارناسى» حابارلايدى.

ارقانىڭ ايازى باس قالانىڭ باس سيمۆولىنىڭ سىرىن ءتۇسىرىپ، شىنىلارىن شىتىناتىپتى.  

«استانا بايتەرەك» جشس ءبولىم باسشىسى احمەت باتاەۆتىڭ ايتۋىنشا، ماقتاۋى اسقان مونۋمەنت مۇشكىل حالدە كورىنەدى.

تۇرعىزىلعالى بەرى جوندەۋ كورمەگەن. سوندىقتان 400 ميلليون تۇگەلدەي جوندەۋ جۇمىستارىنا جۇمسالادى دەيدى. قابىرعالارى كوگەرگەن، توزعان، باسپالداقتارى سكوچتپەن ورالعان تاعىسى تاعى. بۇل عيماراتتىڭ بوي كوتەرگەنىنە 14 جىل. توقەتەرى عيماراتتىڭ قازىرگى جاعدايى كوڭىل كونشىتەرلىك ەمەس.

ال استانانىڭ اكىمشىلىگى بۇدان حاباردار كورىنەدى. سوندىقتان «ەكسپو-2017» قارساڭىندا كۇردەلى جوندەۋدەن وتكىزىلەتىن بولادى.

ءبىر جاعىنان «بايتەرەك» باس سيمۆولداردىڭ ءبىرى. ازاتتىق ءمۇسىنى، ەيفەل مۇناراسى سەكىلدى برەندتەردىڭ ساپىندا «بايتەرەك تە» بار. ەندىگى جىلى اعىلىپ كەلەتىن شەتەلدىكتەر باس سۇقپاي وتپەسى انىق. دەمەك جوندەۋ جاسالۋى كەرەك.

«شاردىڭ شىنىلارى اۋىستىرىلادى. توزىعى جەتكەن قۇرال سايماندار اۋىستىرىلادى. ەلەكتروجابدىقتار، جەردەگى مرامور اۋىستىرىلادى. نەگىزىندە «بايتەرەكتىڭ» وزىندە وزگەرىس بولمايدى. سول قالپىندا قالادى. تەك ەسكىنى جاڭالاۋ عانا»، - دەيدى «استانا بايتەرەك» جشس ءبولىم باسشىسى احمەت باتاەۆ.

ال ەندى جوندەۋ جۇمىستارىنا كەلسەك، بيۋدجەت يۋولگەن 400 ميلليوننىڭ تەك 150 ميلليونى اينەكتەردى اۋىستىرۋعا جۇمسالادى ەكەن. نەگە سونشا سوما؟ سويتسەك، اينەكتەر يتاليادان اكەلىنەتىن كورىنەدى.

راس، باسشىلار ءۇشىن ارقانىڭ قىسى اۋىر بولدى بيىل. اۋەلى ەل تەلمىرىپ وتىرعان «ەكسپو» وپىرىلىپ ءتۇستى. ەندى مىنە، 15 جىلعا جۋىق لاۋسىز تۇرعان «بايتەرەك» تە ۇگىتىلە باستادى. «ەكسپو» قارساڭىندا كۇللى استانانى ەكسپلۋاتاتسيادان وتكىزۋ كەرەك بولىپ جۇرمەسە يگى ەدى.

Abai.kz