قر پرەمەر-مينيسترءى باقىتجان ساعىنتاەۆ جىل سوڭىنا دەيىن اوك دامىتۋ باعدارلاماسى بويىنشا ازىرلىك جۇمىستارىن اياقتاۋدى تاپسىردى، - دەپ حابارلايدى اباي-اقپارات.

قر پرەمەر-ءمينيسترى باقىتجان ساعىنتاەۆ ۇكىمەت وتىرىسىندا مينيسترلەر كابينەتىنە 2017-2021 جىلدارعا ارنالعان جاڭا اوك دامىتۋ مەملەكەتتىك باعدارلاماسى بويىنشا ازىرلىك جۇمىستارىن اياقتاۋدى تاپسىردى.

پرەمەر-مينيستر باعدارلاما جوباسى ءتۇرلى الاڭداردا، سونىڭ ىشىندە ايماقتاردا، قر اۋىل شارۋاشىلىعى مينيسترلىگىنىڭ القاسى اياسىندا جانە قر پارلامەنتى ماجىلىسىندە تالقىلانعانىن اتاپ ءوتتى. سونىمەن قاتار، ۇكىمەتتىڭ جىل سوڭىنا دەيىن ونى مۇددەلى تاراپتارمەن تاعى دا تالقىلاپ، بەكىتۋگە ۋاقىتى بار.

«ايتىلعان ەسكەرتۋلەر مەن ۇسىنىستاردى نازارعا الا وتىرىپ، باعدارلالاما جوباسىن ماقۇلداۋدى جانە جىل سوڭىنا دەيىن مەملەكەتتىك ورگاندارمەن، اكىمدىكتەرمەن، بيزنەس قاۋىمداستىقتارمەن كەلىسىلگەن سوڭ بەكىتۋگە شىعارۋدى ۇسىنامىن. كەلەسى جىلى ءبىز جاڭا باعدارلاما بويىنشا جۇمىس ىستەۋدى باستاۋىمىز كەرەك»،-دەدى ب.ساعىنتاەۆ.

قر پرەزيدەنتى ن.نازارباەۆتىڭ تاپسىرماسى بويىنشا اگرارلىق سەكتوردى جەدەل دامىتۋ مىندەتى العا قويىلعانى بەلگىلى. وسىعان بايلانىستى ەل ۇكىمەتى 2017-2021 جىلدارعا ارنالعان اگروونەركاسىپ كەشەنىن دامىتۋ مەملەكەتتىك باعدارلاماسىن ازىرلەدى. سونىڭ ناتيجەسىندە تاياۋ بەس جىل ىشىندە اۋىل شارۋاشىلىعى ونىمدەرىن ءوندىرۋ مەن وڭدەۋ ەكونوميكانى ءارتاراپتاندىرۋ مەن ءوسىمنىڭ نەگىزگى درايۆەرى بولۋعا ءتيىس. 

ۇكىمەت وتىرىسىندا وتاندىق اۋىلشارۋاشىلىق ونىمدەرىن سىرتقى نارىققا جىلجىتۋدىڭ جاڭا قۇرالدارى ۇسىنىلدى

ۇكىمەت وتىرىسىندا الداعى 5 جىلعا ارنالعان جاڭا اوك دامىتۋ مەملەكەتتىك باعدارلاماسى، سول باعدارلامانىڭ اياسىندا وتاندىق اۋىلشارۋاشىلىق تاۋارلارىنىڭ ەكسپورتىن دامىتۋ ماسەلەسى قاراستىرىلۋدا.

پرەمەر-ءمينيسترتىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ وتاندىق اۋىلشارۋاشىلىق تاۋارلارىن سىرتقى نارىقتا جىلجىتۋ ماقساتىندا اوك ساراپشىلىق كەڭەسى قۇرىلاتىنى تۋرالى اتاپ ءوتتى.

قۇرىلاتىن ورتالىق اۋىلشارۋاشىلىق وندىرۋشىلەرىنەن فورۆاردتىق ساتىپ الۋلاردى، سىرتقى نارىقتا سۇرانىسقا يە ونىمدەر ءۇشىن جكسپورتتىق ارنالاردى قالىپتاستىرۋدى، «كZ ORGANIC FOOD» جانە باسقا دا وتاندىق برەندتەردى جىلجىتۋدى، سىرتقى نارىقتاردى تالداۋدى، وتكىزۋ ءۇشىن ءتيىمدى سىرتقى نارىقتار ءۇشىن جول كارتاسىن جاساۋدى جۇزەگە اسىرادى.

سونىمەن قاتار، ورتالىق ساۋدا قارجىلاندىرۋمەن، وتاندىق وندىرۋشىلەر ءۇشىن ەكسپورتتىق كەلىسىمشارتتاردى كەپىلدەندىرۋمەن اينالىساتىن بولادى.

قر پرەزيدەنتى ن.نازارباەۆتىڭ تاپسىرماسى بويىنشا اگرارلىق سەكتوردى جەدەل دامىتۋ مىندەتى العا قويىلعانى بەلگىلى. وسىعان بايلانىستى ەل ۇكىمەتى 2017-2021 جىلدارعا ارنالعان اگروونەركاسىپ كەشەنىن دامىتۋ مەملەكەتتىك باعدارلاماسىن ازىرلەدى. سونىڭ ناتيجەسىندە تاياۋ بەس جىل ىشىندە اۋىل شارۋاشىلىعى ونىمدەرىن ءوندىرۋ مەن وڭدەۋ ەكونوميكانى ءارتاراپتاندىرۋ مەن ءوسىمنىڭ نەگىزگى درايۆەرى بولۋعا ءتيىس. 

ب.ساعىنتاەۆ: جاڭا جۇمىسپەن قامتۋ باعدارلاماسىندا تۇراقتى جۇمىس ورىندارىن اشۋعا كۇش سالىنادى 

قر پرەمەر-ءمينيسترى ب.ساعىنتاەۆ ۇكىمەت وتىرىسىندا تاياۋ ارادا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن ماقۇلداۋدى اياقتاپ، ونى بەكىتۋگە شىعارۋدى تاپسىردى.

پرەمەر-مينيستر جاسالعان باعدارلاما اياسىندا جۇمىسسىز ازاماتتارمەن جۇمىس ىستەۋ بارىسى وزگەرەتىنىن اتاپ ءوتتى.

«ەگەر ءبىز بۇرىن «جۇمىسپەن قامتۋدىڭ جول كارتاسى 2020» باعدارلاماسى بويىنشا ۋاقىتشا جۇمىس ورىندارىنا كوڭىل بولىنسە، ەندى وقىتۋ ارقىلى تەك قانا تۇراقتى جۇمىس ورىندارىنا كوڭىل بولىنەدى. ەڭ باستىسى، ادامدارعا ءوز ىستەرىن اشۋعا جانە جاڭا جۇمىس ورىندارىن قالىپتاستىرۋعا مۇمكىندىك بەرەمىز. جاۋاپتى ورگاندار انىقتالدى، وكىلەتتىلىكتەر بەرىلدى، ولاردىڭ اراسىندا جەرگىلىكتى اتقارۋشى ورگاندار بار»،-دەدى ب.ساعىنتاەۆ.

پرەمەر-مينيستر وسى باعدارلاما بويىنشا بارلىق ازىرلىك جۇمىستارىن اياقتاپ، ونى 15 جەلتوقسانعا دەيىن ۇكىمەتكە بەكىتۋگە ۇسىنۋدى تاپسىردى.

مەملەكەت باسشىسى نۇرسۇلتان نازارباەۆتىڭ تاپسىرماسى بويىنشا، قر ۇكىمەتى جاڭادان ناتيجەلى جۇپىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن جاساعان بولاتىن. بۇل باعدارلامانىڭ ماقساتى ناتيجەلى جۇمىسپەن قامتۋعا جاعداي جاساي وتىرىپ،  جۇمىسسىزدار مەن ءوزىن-ءوزى جۇمىسپەن قامتىعاندارعا تابىستارىن ارتتىرۋعا مۇمكىندىك بەرۋ بولىپ تابىلادى.

ناتيجەلى جۇمىسپەن قامتۋ، بۇل – ەڭبەككەرلەرگە تابىس اكەلەتىن شىنايى، لايىقتى ءومىر ءسۇرۋدى قامتاماسىز ەتەتىن جۇمىس ءتۇرى. 

Abai.kz