كۇز دەگەنىمىز – بايلىق، مولشىلىق، جازيرا دالانىڭ دارحان داستارحانى ەكەنى بەلگىلى. بيىل اۋىل شارۋاشىلىعىن دامىتۋ ماقساتىنداعى ۇكىمەتتىڭ قابىلداعان باعدارلامالارىن جۇزەگە اسىرۋ اياسىندا ەكونوميكاعا سەرپىن بەرەتىن جوبالاردىڭ ناتيجەسىندە ارىس قالاسىندا اۋىلشارۋاشىلىق قۇرىلىمدارى اعىمداعى جىلى 8 ميلليارد 521 ميلليون 700 مىڭ تەڭگەنىڭ ونىمدەرىن ءوندىردى. مۇنداي قورىتىندى ەسەپتەردى ارىس قالاسى اكىمدىگىنىڭ رەسمي سايتى ەسەپ بەرۋگە مىندەتتى ۇكىمەتتى قالىپتاستىرۋ ماقساتىندا قۇرىلعان "اشىق اكىمدىك" جوباسى اياسىندا جاريالاپ وتىر. 

سونىمەن شاھاردا مال شارۋاشىلىعى بويىنشا الىنعان ونىمدەرى بويىنشا: ءىرى ءمۇيىزدى قارا مالدىڭ سانى 31 مىڭ 282 قۇراپ، 2015 جىلمەن سالىستىرعاندا (109,2%) پايىزعا، قوي مەن ەشكى 386 مىڭ 409 (107,0%) پايىزعا، جىلقى 10 مىڭ 46 (101,6%) پايىزعا، قۇس 62مىڭ 856 مىڭ باستى قۇراپ، وتكەن جىلمەن سالىستىرعاندا (100,6%) پايىزعا ارتقان.  2016 جىلدىڭ 1 قىركۇيەگىنە شارۋاشىلىقتىڭ بارلىق ساناتتارى بويىنشا مال شارۋاشىلىعى ونىمدەرىنىڭ نەگىزگى تۇرلەرى وتكەن جىلمەن سالىستىرعاندا: ەت –5 مىڭ 161 توننانى قۇراپ 101,5% پايىزعا، ءسۇت – 14 مىڭ 416 توننانى قۇراپ 107,1% پايىزعا، جۇمىرتقا – 5 ميلليون 906 مىڭ دانانى قۇراپ، ءونىم وتكەن جىلمەن سالىستىرعاندا 100,5% پايىزعا ارتىق ورىندالدى.   

«سىباعا» باعدارلاماسى بويىنشا جىلدىق تاپسىرما 900 باس ءىرى قارا مال الىنۋى كەرەك، ناقتى 905 باس الىندى، نەمەسە 100,5% ورىندالدى.  «التىن اسىق» باعدارلاماسى بويىنشا جىلدىق تاپسىرما 1000 باس ۋاق مال الۋ تاپسىرىلعان، ناقتى 2 مىڭ 102 باس الىندى، نەمەسە جوسپار 210% ورىندالدى.  «قۇلان» باعدارلاماسى بويىنشا مەجەلەنگەن 160 باس جىلقى الۋ جوسپارلانسا، قازىرگى تاڭعا 160 باس جىلقى الىنىپ، جىلدىق جوسپار 100% ورىندالدى.

Abai.kz