جۇما, 29 ناۋرىز 2024
جاڭالىقتار 3888 0 پىكىر 30 قاراشا, 2016 ساعات 11:16

قازىعۇرت ديقاندارى 19 875 توننا كوكونىس جينادى

قازىعۇرتتا جىلىجاي كولەمى 90 گەكتارعا جەتتى. بيىلدىققا 7 گەكتار جەردى يگەرۋ تاپسىرماسى بەرىلسە، مەجە 94 پايىزعا ورىندالىپ قويدى، دەپ حابارلايدى قازىعۇرت اۋدانى اكىمى اپپاراتىنىڭ ءباسپاسوز قىزمەتى. 

8 ايدىڭ وزىندە 6 گەكتار 58 سوتتىق جەردە جاسىل جەلەك جايقالدى. اۋدان قازىر شىمكەنت حالقى مەن كورشىلەس ەلدىمەكەندەردى قىس ايلارىندا كوكونىسپەن قامتۋعا قاۋقارلى. جىلىجاي سالۋدا تۇرباتتىقتار وزىپ تۇر. «راحمات اتا» شارۋا قوجالىعى مۇندا ەل العىسىنا بولەنگەن ۇجىم. 20 ازاماتتى جۇمىسپەن قامتىعان سەرىكتەستىك 1,6 گەكتار جەردىڭ قىرتىسىن اينالدىرعان. «اتيا» قىزاناعى مەن «تۋمي» قيارىن ەگىپ، ەكىنشى كەزەڭنىڭ داقىلدارىن جيناۋدا.

تۇربات اۋىلىنىڭ حالقى تەگىس جىلىجاي شارۋاشىلىعىن دامىتۋعا بەيىمدەلگەن. 20 گەكتاردان استام جەردىڭ ءار گەكتارىنان 100 توننادان استام باۋ-باقشا داقىلدارىن جيناپ الادى.

وتاندىق ءونىم شىمكەنتتەن بولەك، الماتى، استانا قالالارىنا دا جونەلتىلۋدە. وسى ماۋسىمدا قازىعۇرتتىقتار 19 875 توننا كوكونىس، 4647 توننا باقشا داقىلدارىن جينادى. مۇندا ءار ماۋسىمدا 200-دەي ازامات جىلىجايدان ناپاقا تاۋىپ كەلەدى.

ايتا كەتۋ كەرەك، ەكونوميكاسى اۋىل شارۋاشىلىعىنا بەيىمدەلگەن وڭىردە اۋىل شارۋاشىلىعى داقىلدارىن ءارتاراپتاندىرىپ، ەگىس، سۋارمالى جەرلەردىڭ كولەمىن ۇلعايتۋ، ءونىم كولەمىن ارتتىرۋ ماقساتىندا بىرقاتار جۇمىستار اتقارىلۋدا. وبلىستان نەگىزىنەن ەكسپورتقا: كارتوپ، كوكونىس، باقشا، بيداي، ۇن، بالىق جانە بالىق ونىمدەرى، وسىمدىك مايى، قۇس ەتى جانە ماقتا تالشىقتارى شىعارىلادى. اگرارلى ايماقتا وسى جىلى كوكونىس پەن كارتوپ داقىلدارى جالپى 52,3 مىڭ گەكتارعا، ال باقشا ءونىمى 59,1 مىڭ گەكتار جەرگە ەگىلگەن. جوسپار بويىنشا جىل سوڭىنا دەيىن 890 مىڭ توننا كوكونىس، 1,4 ملن. توننا باقشا، 256 مىڭ توننا كارتوپ جينالادى دەپ كۇتىلۋدە. بۇل كورسەتكىشكە قازىعۇرت اۋدانىنداعى جىلىجايلاردىڭ دا قوسار ۇلەسى زور ەكەنىن ايتا كەتكەن ءجون.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584