سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
قوعام 2245 0 پىكىر 30 قاراشا, 2016 ساعات 11:20

وقو اۋىل شارۋاشىلىعى جالپى ءونىمىنىڭ كولەمى 319,6 ملرد تەڭگەگە باعالاندى

ايماقتىق جينالىستا وڭتۇستىك قازاقستان وبلىسىنىڭ دامۋ بارىسى تالقىلاندى، بيىلعى 9 اي ىشىندەگى ءوڭىردىڭ الەۋمەتتىك-ەكونوميكالىق دامۋى تۋرالى دەرەكتەر كەلتىرىلدى سونداي-اق «نۇرلى جول» جانە «جۇمىسپەن قامتۋدىڭ جول قارتاسى - 2020» مەملەكەتتىك باعدارلامالارىنىڭ جۇزەگە اسۋ بارىسى ءسوز بولدى.


وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ حابارلاۋىنشا، بۇل ۋاقىت ارالىعىندا وڭىردەگى ونەركاسىپ ءوندىرىسىنىڭ كولەمى 574,2 ملرد تەڭگەنى قۇراعان. اۋىل شارۋاشىلىعىنىڭ جالپى ءونىمىنىڭ كولەمى 319,6 ملرد تەڭگەگە باعالانىپ وتىر. قۇرىلىس جۇمىستارىنىڭ كولەمى - 125,3 ملرد تەڭگە. جينالىستا وڭىرگە ينۆەستيتسيا تارتۋدىڭ ءالى دە ءالسىز ەكەنى ايتىلدى. وسىلايشا، 9 ايدا ەكونوميكاعا 240,8 ملرد تەڭگە تۇسكەن، ال بۇل وتكەن جىلعى مەرزىممەن سالىستىرعاندا 82,4% قۇرادى.

وبلىستىق قۇرىلىس باسقارماسىنىڭ مالىمەتتەرىنشە، بيىل 14 نىساننىڭ قۇرىلىسى جوسپارلانعان، ولاردىڭ جەتەۋىنىڭ قۇرىلىسى جوسپارلانعان كەستە بويىنشا ءجۇرىپ جاتىر. «نۇرلى جول» مەملەكەتتىك باعدارلاماسىن جۇزەگە اسىرۋ اياسىندا 9 نىساندى جۇزەگە اسىرۋ جوسپارلانعان جانە بۇگىندە قاراجاتتىڭ 96% يگەرىلگەن. جىل اياعىنا دەيىن جۇمىستاردى تولىق ءبىتىرۋ جوسپارلانعان.

«جۇمىسپەن قامتۋدىڭ جول قارتاسى - 2020» مەملەكەتتىك باعدارلاماسىن جۇزەگە اسىرۋ تۋرالى وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا بايانداپ بەردى. ول جىل باسىنان بەرى 54570 باعدارلاما قاتىسۋشىلارىنا كومەك كورسەتىلگەنىن اتاپ ءوتتى. ونىڭ ىشىندەگى 19 965 ادام ءوز بەتىمەن جۇمىس تاپتى، ال بۇل جىلدىق جوسپاردىڭ 113 پايىزى.

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ بارلىق ەسەپتەردى تىڭداپ، ءار باسقارماعا تاپسىرما بەردى. ول ەكونوميكالىق كورسەتكىشتەرگە، ينۆەستورلار ءۇشىن جاعداي جاساۋعا اسا ءمان بەرۋگە شاقىردى، قۇرىلىستى اياقتاپ، كوممۋنالدىق جۇيەلەردى ىسكە قوسۋ ماسەلەسىن شەشپەگەن مەردىگەرلەردى تىزىمىنەن سىزىپ تاستاۋ كەرەكتىگىن ايتتى. سونىمەن بىرگە، ءوڭىر باسشىسى حالىقتى جۇمىس قامتۋ ماسەلەلەرى بويىنشا تاپسىرمالاردى ورىنداماعان اۋداندار مەن قالالاردىڭ ءتىزىمىن بەرۋدى تالاپ ەتتى.

Abai.kz

0 پىكىر