مامانداندىرىلعان حالىققا قىزمەت كورسەتۋ ورتالىعى – جالعىز تەرەزە قاعيداتى بويىنشا حالىققا جۇرگىزۋشى كۋالىگىن بەرۋ جانە اۆتوكولىك قۇرالىن تىركەۋ بويىنشا مەملەكەتتىك قىزمەتتەردى كورسەتەتىن ۇيىم.

مۇنداي ۇيىمداردىڭ ماقساتى – سىبايلاس جەمقورلىقتى ازايتىپ، اكىمشىلىك كەدەرگىلەردى جويۋ، مەملەكەتتىك قىزمەت تۇرلەرىنىڭ ساپاسىن ارتتىرۋ بولىپ تابىلادى. ءبىرىنشى محقكو 2012 جىلعى جەلتوقسان ايىندا قاراعاندى قالاسىندا پيلوتتىق رەجيمدە ىسكە قوسىلعان بولاتىن. جوبانى ءساتتى ىسكە اسىرۋ ناتيجەسىندە ەلباسى نۇرسۇلتان نازارباەۆ «100 ناقتى قادام» ۇلت جوسپارىندا بۇل تاجىريبەنى ەلىمىزدىڭ بارلىق اۋقىمىندا جۇزەگە اسىرۋدى تاپسىردى.

ناتيجەسىندە قازىرگى تاڭدا وڭتۇستىك قازاقستان وبلىسى شىمكەنت قالاسىندا مامانداندىرىلعان ورتالىق «اشىق اكىمدىك» جوباسى اياسىندى قارقىندى جۇمىس ىستەپ كەلەدى.

اتالعان ورتالىقتا بيزنەس-ۇدەرىستەردى اۆتوماتتاندىرۋ، بارلىق دەرەكقور بازالارى مەن مەملەكەتتىك ورگانداردىڭ اقپاراتتىق جۇيەلەرىن ىقپالداستىرۋ، سونداي-اق جۇرگىزۋشى كۋالىگىن بەرۋ جانە اۆتوكولىك قۇرالىن تىركەۋ ءۇشىن قاجەتتى بارلىق كەزەڭدەردى ءبىر كەشەننىڭ شەگىندە بىرىكتىرۋ ناتيجەسىندە وسى قىزمەتتەردى كورسەتۋ ورتاشا ەسەپپەن ەكى ساعاتقا دەيىن قىسقارتىلدى جانە ازاماتتاردىڭ ءتيىستى قۇجاتتى ازىرلەۋگە جاۋاپتى ورىنداۋشىلارمەن تىكەلەي بايلانىس جويىلدى.

بۇگىندە مامانداندىرىلعان ورتالىق شىمكەنتتەن وزگە  الماتى، قاراعاندى، تاراز، اقتاۋ، پاۆلودار، پەتروپاۆل، قىزىلوردا، تالدىقورعان، قوستاناي جانە اقتوبە قالالارىندا ون ءبىر مامانداندىرىلعان حالىققا قىزمەت كورسەتۋ ورتالىقتارى جۇمىس ىستەيدى.

Abai.kz