بەيسەنبى, 22 قازان 2020
COVID-19 قازاقستاندا. جۇقتىرعاندار — 109907. جازىلعاندار — 105385. قايتىس بولعاندار — 1796
مايەكتى 3624 0 پىكىر 30 قاراشا, 2016 ساعات 11:56

تاۋەلسىزدىك جىلدارى وڭتۇستىكتە 519 ءبىلىم نىسانى سالىنعان

وڭتۇستىك قازاقستان وبلىسىندا «نۇرلى جول» باعدارلاماسى شەڭبەرىندە 36 نىسانعا 18 537, 7 ميلليون تەڭگە قارالعان. وڭتۇستىك قازاقستان وبلىسى ىشكى ساياسات باسقارماسىنىڭ تاراتقان مالىمسەتتەرىنە قاراعاندا وڭىردە تاۋەلسىزدىكتىڭ جيىرما بەس جىلىندا قۇرىلىس سالاسى قارقىندى جۇرگىزىلگەن.

اتاپ ايتقاندا، ءبىلىم سالاسىندا -519 نىسان، دەنساۋلىق ساقتاۋ سالاسىندا -348, سپورت سالاسىندا -22 نىسان، مادەنيەت سالاسىندا -22 نىسان، مەملەكەتتىك ورگانداردا -20 نىسان، الەۋمەتتىك قامتاماسىز ەتۋ سالاسىندا -8 نىسان، وزگە دە سالالاردا -127 نىسان سالىنىپ، پايدالانۋعا بەرىلگەن. جالپى اتالعان ۋاقىت ىشىندە وبلىستا 1046 نىساننىڭ قۇرىلىسى جۇرگىزىلدى.

تاۋەلسىزدىك جىلدارىندا شىمكەنت قالاسىندا كوپتەگەن ءزاۋلىم قۇرىلىس نىساندارى سالىندى. «مۇز سارايى»، جەڭىلاتلەتيكا كەشەنىن، «وتىرار» كىتاپحاناسىن قازاقستانداعى بىرەگەي نىسانداردىڭ قاتارىنا جاتقىزۋعا بولادى. وسى جىلدارى شىمكەنتتە تسيرك عيماراتى پايدالانۋعا بەرىلدى. وبلىس ورتالىعىنىڭ جاڭا اكىمشىلىك ىسكەرلىك ورتالىعى سالىندى. وسى ورتالىقتان «تۇركىستان» سارايى، وبلىستىق دراما تەاتر عيماراتى، كورمە زالى بوي تۇزەدى.

وڭىردە حالىقتىڭ تىعىز قونىستانعانى ءارى تابيعي ءوسىمنىڭ جوعارى ەكەندىگىنە بايلانىستى مەكتەپ پەن اۋرۋحانا سالۋ ءىسى دە قارقىندى جۇرگىزىلدى. «100 مەكتەپ، 100 اۋرۋحانا» جوباسى اياسىندا وڭىردە كوپتەگەن ءبىلىم نىساندارى بوي تۇزەسە، بيىل تاۋەلسىزدىكتىڭ جيىرما بەس جىلدىعىنا ارناپ، 25 مەكتەپ پايدالانۋعا بەرىلىپ جاتىر.

ايتا كەتەيىك، ەلباسىنىڭ «100 ناقتى قادام» ۇلت جوسپارىنىڭ 94 قادامىنداعى بارلىق اقپاراتتاردىڭ اشىقتىعىن قامتاماسىز ەتەتىن «اشىق ۇكىمەت» جوباسىن قۇرۋ ءۇشىن قابىلدانعان «اقپاراتقا جول جەتكىزۋ تۋرالى» زاڭ بويىنشا مەملەكەتتىك ورگاندار وزدەرىنىڭ اتقارعان جۇمىستارى تۋرالى مالىمەتتەردى جاريالاپ وتىرۋعا ءتيىس. ءاربىر ازامات ءۇشىن اتقارۋشى ورگاندار تۋرالى اقپاراتتار اشىق ءارى قول جەتىمدى بولۋى كەرەك. تۇرعىندار اقپاراتتاردى پايدالانۋمەن بىرگە وعان قاتىستى وي-پىكىرلەرىن دە ەركىن بىلدىرە الۋى ءتيىس.

Abai.kz

0 پىكىر