بەيسەنبى, 28 ناۋرىز 2024
8174 0 پىكىر 2 جەلتوقسان, 2016 ساعات 10:28

نامازحانالاردىڭ جابىلۋى - تاۋەلسىزدىكتىڭ 25 جىلدىعىنا تارتۋ ما؟

استانا اۋەجايىندامىن. ناماز وقۋعا ارنالعان بولمەنى جاۋىپ تاستاعالى نامازدى ۋاقىتىندا وقۋ ۋايىم بولدى. ارى-بەرى قاراپ ىڭعايلى ورىن تاپپاعان سوڭ بۇرىشتاعى باسپالداقتىڭ شاتىرعا شىعاتىن تۇسىنا بارىپ، جاينامازدى جايىپ، سوندا وقىدىم.

دارەتحانادا ءبىر شەتەلدىك اياعىن جۋىپ جاتىر. ونداعى جۇرت ونىڭ بۇل ارەكەتىن تۇسىنە الماي، جاقتىرماعان كەيىپ تانىتۋدا. نامازىن ءاي شايعا قاراماي بوس ورىنعا بارىپ وقي سالدى. كەشە حانشاتىر ساۋدا ۇيىندەگى نامازحانانىڭ ەسىگىندە قارا قۇلىپ تۇرعانىن كورگەنمىن. بۇل نە سوندا؟

تاۋەلسىزدىگىمىزدىڭ 25 جىلدىعىنا ارنالعان تارتۋى ما؟ جوق، كەڭەس كەزەڭىنە كەرى كەلدىك پە؟ جوق الدە ەكستريميزممەن كۇرەستىڭ ءتۇرى مە؟ الەمنىڭ كەز-كەلگەن اۋەجايىندا (امەريكا، ەۋروپانى دا قوسىڭىز) ناماز وقۋعا ارنايى ورىن بولىنگەن. ىشىندە دارەت الۋعا بارىنشا جاعداي جاسالعان. جارايدى ناماز وقيتىن ەل ازاماتتارىمىزدى ەسكەرمەي، قۇقىقتارىن تاپتاي بەرسىن! بىراق ءبىز وركەنيەتتى ەلمىز. انە-مىنە 30 ەلدىڭ قاتارىنا قوسىلامىز دەپ ۇرانداتىپ جاتىرمىز. الەمنىڭ بارلىق ەلدەرىمەن تىعىز قارىم قاتىناستامىز. يسلام ىنىماقتاستىق ۇيىمىنا توراعالىق ەتتىك. ەلباسى ۇمراسى مەن قاجىلىعىن وتەپ قايتى. جۇرت ءبىزدى مۇسىلمان ەلى دەپ بىلەدى. سويتە تۇرا كەلگەن شەتەلدىكتەردىڭ اياقتارىن قوعامدىق دارەتحانادا جۋدىرىپ، نامازدارىن اياق استى بولاتىن جەردە وقىتىپ قويعانىمىز قالاي؟ ناماز وقيتىن ادام ايتەۋرى ءبىر جولىن تاۋىپ، اللا مىندەتتەگەن پارىزىن وقيدى. بىراق قاي جەردە؟

بەيبەرەكەتسىزدىككە ءوز قولىمىزبەن يتەرمەلەمەي، ءوز ەلىمىزدىڭ قادىرىن تۇسىرمەي نامازحانا اشۋعا نە كەدەرگى؟! اشۋعا ەمەس، بار نامازحانانى جابۋعا نە سەبەپ؟ ەكسترەميزمنەن ساقتانۋ ما؟ نامازحانانىڭ بۇرىشىنا "بۇل جەردە ۋاعىز ايتۋعا بولمايدى" دەسەك، جەتكىلىكتى ەمەس پە؟ كىممەن سويلەسسەم، بارلىعى بيلىكتىڭ بۇل شەشىمىنە نارازى. مۇسىلمانداردى بيلىككە نارازى كوڭىلگە يتەرمەلەيتىن مۇنداي ىستەرگە كىم جاۋاپتى؟ جوق الدە "كاپىر بيلىك" دەيتىن تاكفيريلەرگە ءوز قولىمىزبەن دالەل دايىنداپ بەرىپ جاتىرمىز با؟ ولاي بولسا، تاكفيريلەرمەن كۇرەسىپ، بوسقا شابىلىپ قايتەمىز؟! وتكەندە مينيستر نۇرلان ەرمەكباەۆ مىرزامەن كەزدەسكەنىمدە، وسى جاعدايدى جەتكىزگەنمىن. فەيسبۋكتا جەككە اككاۋنتىن اشىپ، قوعامنىڭ پىكىرىن تىڭدايمىن دەگەن سوڭ، تاعى دا جاماعاتتىڭ ءۇنىن جەتكىزىپ وتىرمىن.

قايرات جولدىباي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515