جۇما, 29 ناۋرىز 2024
5236 0 پىكىر 21 جەلتوقسان, 2016 ساعات 16:16

«ەكسپو-2017» حالىقارالىق كورمەسىنىڭ ەڭ ۇزدىك جوباسى انىقتالدى

بۇگىن «استانا ەكسپو-2017» ۇلتتىق كومپانياسى مەن قر ەنەرگەتيكا مينيسترلىگى بىرىگىپ وتكىزگەن بالامالى ەنەرگەتيكا سالاسىنداعى ەڭ ۇزدىك جوبا بايقاۋى ءوز مارەسىنە جەتتى. ناتيجەسىندە الماتىلىق عالىم مارات يسەكەەۆتىڭ جوباسى ەڭ ۇزدىك دەپ تانىلدى، دەپ حابارلايدى Baq.kz ءتىلشىسى.

5 ايدىڭ ىشىندە كونكۋرسقا 100-دەن استام ءوتىنىش كەلىپ تۇسكەن. ارنايى قۇرىلعان كوميسسيا مۇشەلەرى 50 جوبانى ىرىكتەپ الدى. كەيىن عالىمدار مەن ونەرتاپقىشتار اراسىندا وتكىزىلگەن كونكۋرستا جەڭىمپاز داۋىس بەرۋ ارقىلى انىقتالدى. ناتيجەسىندە كومپيۋتەرلىك تەحنولوگيا جانە لوگيستيكا كافەدراسىنىڭ پروفەسسورى، قازاتيسو «G-Global» جاستار شتابىنىڭ جەتەكشىسى، ت.ع.ك. مارات يسەكەەۆ جەڭىسكە جەتتى. جەڭىمپازدى «استانا ەكسپو-2017» ۇق» اق باسقارما توراعاسىنىڭ ورىنباسارى ەربول شورمانوۆ قۇتتىقتادى.

ء«بىزدىڭ بولاشاعامىز ءۇشىن يننوۆاتسيالىق جوبالار وتە ماڭىزدى. اتالمىش كونكۋرسقا ەلىمىزدىڭ بارلىق ءوڭىرىنىڭ عالىمدارى مەن ونەرتاپقىشتارى قاتىستى. ولار وتاندىق يننوۆاتسيا سالاسىن دامىتۋعا ءوز ۇلەستەرىن قوسۋدا. قازاقستان 2017 جىلى حالىقارالىق دەڭگەيدە يننوۆاتسيا الاڭىنا اينالادى. ءبىز «ەكسپو-2017» حالىقارالىق كورمەسى» ارقىلى الەمگە ءوز عالىمدارىمىزدىڭ وسى سالادا جەتكەن جەتىستىكتەرىن كورسەتە الامىز. بۇگىنگى كونكۋرستا مارات يسەكەەۆتىڭ جوباسى جەڭىسكە جەتتى»، - دەدى توراعا ورىنباسارى.

ال كونكۋرس جەڭىمپازى مارات يسەكەەۆ ءوزى جاساعان جەل ستانتسياسىنىڭ ماقساتىن ءتۇسىندىردى.

ء«بىزدىڭ نەگىزگى ماقساتىمىز – اۋىل-ايماقتى ەنەرگيا كوزىمەن قامتاماسىز ەتۋ. قازاق دالاسىندا بالامالى ەنەرگيا كوزدەرىن ءتيىمدى پايدالانۋعا بولادى. اسىرەسە، جەل ەنەرگياسىن. جوبانى جاساۋعا كوپتەگەن ستۋدەنت قاتىستى. جەل ستانتسياسىن قۇراستىرۋعا ءۇش جىل ۋاقىت كەتتى. سونداي-اق، 5 ملن تەڭگە كولەمىندە قارجى جۇمسالدى»، - دەدى عالىم.

سونىمەن قاتار، ونەرتاپقىش ءوزى قۇراستىرعان جەل ستانتسياسى ارقىلى جوڭعار قاقپاسىن ءتيىمدى پايدالانۋعا بولاتىندىعىن اتاپ ءوتتى.

«مەن بار عۇمىرىمدى جوڭعار قاقپاسىن ءتيىمدى پايدالانۋعا ارنادىم. وندا 30 مەتر بيىكتىكتە 58 م/س جىلدامدىقپەن جەل سوعادى. ول قىتايمەن شەكارالاس ايماقتا ورنالاسقان. ال قىتاي بىزدەن جىلىنا 40-45 ملرد كيلوۆاتت/ساعات ەلەكتر ەنەرگياسىن جىبەرۋدى سۇراپ وتىر. ياعني تەك مۇنايعا ءۇمىت ارتپاي، جەل ەنەرگياسىنان جىلىنا 40-50 ملرد قارجى كولەمىندە پايدا تابۋعا مۇمكىندىك بار»، -دەيدى عالىم.

ايتا كەتەيىك، جەڭىسكە جەتكەن ۇزدىك يننوۆاتسيالىق جوبا ەكسپو-2017 كورمەسىندەگى قازاقستان پاۆيلونىنا قويىلادى.

اباي-اقپارات 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610