شىمكەنت قالالىق جەدەل مەديتسينالىق كومەك كورسەتۋ اۋرۋحاناسىندا تاعى ءبىر ناۋقاسقا كەزەكتى باۋىر ترانسپلانتاتسياسى جاسالدى. جەرگىلىكتى دارىگەرلەر بۇل وپەراتسيانى يتالياندىق پروفەسسور ريساليتي اندرەا باستاعان ترانسپلانتولوگتارمەن بىرلەسە وتكىزدى. توعىز ساعاتقا سوزىلعان باۋىر اۋىستىرۋ وتاسى ءساتتى اياقتالدى. بۇگىندە ناۋقاستىڭ جاعدايى جاقسى. بۇل تۋرالى دارىگەرلەر جۋرناليستەرگە بەرگەن ءباسپاسوز ءماسليحاتىندا مالىمدەدى.

شىمكەنت قالالىق جەدەل مەديتسينالىق كومەك كورسەتۋ اۋرۋحاناسىندا ترانسپلانتاتسيالىق قىزمەت قارقىندى تۇردە دامىپ كەلەدى. مۇندا ءۇش جىل ىشىندە 70 بۇيرەك پەن 6 باۋىر الماستىرۋ وپەراتسياسى جاسالدى.

شىمكەنت قالالىق جەدەل مەديتسينالىق كومەك كورسەتۋ اۋرۋحاناسى - ماتەريالدىق-تەحنيكالىق جابدىقتالۋى مەن اعزاداعى ورگانداردى اۋىستىرۋ جاعىنان تاجىريبەسى مول جانە قاجەتتى ماماندارمەن تولىق قامتاماسىز ەتىلگەن ورتالىق. اتالعان اۋرۋحانادا HLA-لابوراتورياسى بەلسەندى جۇمىس ىستەۋدە.

وڭتۇستىك قازاقستان وبلىسىندا بۇگىنگى تاڭدا ءار ءتۇرلى باۋىر اۋرۋلارى بويىنشا 90-نان اسا ناۋقاس ەسەپتە تۇرادى. باۋىر اۋرۋىنىڭ  اسقىنعان تۇرىمەن اۋىراتىن ناۋقاستاردىڭ كوپشىلىگى (گەپاتيت، باۋىر تسيرروزى، باۋىردىڭ قاتەرلى ىسىگى) باۋىر الماستىرۋ وتاسىن جاساۋعا ءزارۋ.

وسى رەتتە ترانسپلانتاتسيا باعىتىنداعى جۇمىستاردى دامىتىپ، شەتەلدىك مامانداردان تاجىريبە الماسۋ ماقساتىندا ەۋرازيالىق مەديتسينالىق اسسوتسياتسياسىنىڭ قازاقستانداعى وكىلى ە.ا.ياسىلوۆ پەن يتاليا كاسىپكەرلەرىمەن جانە وندىرىسشىلەر كونفەدەراتسياسىنىڭ وكىلى ارماندو ريساليتي اراسىندا مەموراندۋم تۇزىلگەن بولاتىن.

وقو اكىمىنىڭ ءباسپاسوز قىزمەتى