بەيسەنبى, 28 ناۋرىز 2024
جاڭالىقتار 3887 0 پىكىر 26 قىركۇيەك, 2016 ساعات 18:05

وزبەكستاندىق كاسىپكەرلەر وڭتۇستىكتىڭ ءوندىرىس ورىندارىمەن تانىستى

وڭتۇستىك قازاقستان وبلىسىنا ىنتىماقتاستىقتى نىعايتۋ ماقساتىندا قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە ۋاكىلەتتى ەلشىسى ەرىك وتەمباەۆ باستاعان وزبەكستاننان ارنايى دەلەگاتسيا كەلگەن بولاتىن. شەكارالاس جاتقان ەلدىڭ قوناقتارىنىڭ قۇرامىندا 20-عا جۋىق ءتۇرلى سالاداعى كاسىپكەرلەر جانە وزبەكستان رەسپۋبليكاسىنىڭ ەلشىسى بار. ولار وڭىرگە جاساعان جۇمىس ساپارى بارىسىندا «وڭتۇستىك» يندۋستريالدى ايماعى مەن «وڭتۇستىك» ارنايى ەكونوميكالىق ايماقتىڭ جۇمىسىمەن تانىسىپ، ونداعى بىرقاتار كاسىپورىنداردى ارالاپ كوردى. سونىمەن قاتار، ەكى جاقتى ىنتىماقتاستىقتى نىعايتۋ ءۇشىن كۇنگەيلىك كاسىپكەرلەر مەن دەلەگاتسيا وكىلدەرى اراسىندا ۆ2ۆ فورماتىندا كەزدەسۋ وتكىزىلىپ، بىرلەسكەن كاسىپورىندار اشۋ، ءوزارا بايلانىستى نىعايتۋ تۋراسىندا كەلىسسوزدەر جۇرگىزىلدى.

وسى كۇنى وزبەكستان مەملەكەتىندەگى توتەنشە جانە وكىلەتتى ەلشىسى ەرىك وتەمباەۆ وبلىس اكىمى بەيبىت اتامقۇلوۆتىڭ قابىلداۋىندا بولدى.

كەزدەسۋ بارىسىندا ەلشى ىنتىماقتاستىقتى نىعايتۋ ماقساتىندا ەكى جاقتىڭ كاسىپورىندارى اراسىڭدا اۋىل شارۋاشىلىق، پلاستماسسالىق بۇيىمدار جاساۋ جانە تەرى وڭدەۋ مەن كيىم تىگۋ سىندى بىرقاتار جوبالاردى بىرلەسە جۇزەگە اسىرۋعا نيەتتى ەكەنىن جەتكىزدى.

ءوز كەزىندە ايماق باسشىسى ەكى ەلدىڭ اراسىنداعى ىنتىماقتاستىقتىڭ زور ەكەنىن ايتىپ، ءوڭىردىڭ ينۆەستيتسيالىق مۇمكىندىكتەرىن اتاپ ءوتتى. سونداي-اق، وزبەكستان تاراپىنان ۇسىنىلعان جوبالاردى قولداۋعا دايىن ەكەنىن مالىمدەدى.

وزبەك دەلەگاتسياسى وبلىستىڭ ينۆەستيتسيالىق مۇمكىندىكتەرىن جوعارى باعالاپ، قىزىعۋشىلىق تانىتتى.

 

وقو اكىمىنىڭ ءباسپاسوز قىزمەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525