جۇما, 29 ناۋرىز 2024
جاڭالىقتار 3794 0 پىكىر 26 قىركۇيەك, 2016 ساعات 18:07

وقو-دا ءورتتىڭ ورىن الۋ جاعدايلارى ازايعان

بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق توتەنشە جاعدايلار دەپارتامەنتىنىڭ باسقارما باسشىسى نۇرعالي ءجۇنىسوۆ حابارلادى.

جازعى ءورت قاۋىپتى كەزەڭدە وڭتۇستىك قازاقستان وبلىسىنىڭ اۋماعىندا ورمان، دالا جانە ەگىس القاپتارىندا ءورت قاۋىپسىزدىگىن قامتاماسىز ەتۋ بويىنشا وتكەن جيىندا ورمان ءورتىنىڭ ايتارلىقتاي ازايعانىن جەتكىزگەن سپيكەر دالا ءورتىنىڭ سانى 25 پايىزعا، شىعىن 71 پايىزعا ازايعانىن ايتتى. سونىمەن بىرگە، ورمان ءورتىنىڭ سانى دا 75 پايىزعا، شىعىنى 100 پايىزعا كەمىگەن. دالا القاپتارىنىڭ ورتكە ورانۋىندا دا وڭ وزگەرىس بار. مۇنداعى توتەنشە جاعدايلار 33 پايىزعا ازايعان.

ء«ورت جاعدايلارىنىڭ ايتارلىقتاي ازايۋىنا ورتكە قارسى مينەرالدى جولاقتىڭ ەنى 4 مەتردىڭ ورنىنا 7 مەتر ەتىپ وزگەرۋىنىڭ ناتيجەسىندە قول جەتكىزىلدى. مامىر جانە شىلدە ايلارىندا 2 كەزەڭمەن جۇرگىزىلگەن جۇمىستاردان بولەك، ورمان شارۋاشىلىعىنىڭ بازاسىندا شارتتى دالا ءورتىن ءسوندىرۋ بويىنشا ءورت-تاكتيكالىق وقۋ-جاتتىعۋلارىنىڭ وتكىزىلىپ وتىرۋى دا جۇمىستىڭ وڭدى ناتيجە بەرۋىنە سەبەپ بولۋدا»، - دەدى ن.ءجۇنىسوۆ.

سونىمەن قاتار، ءباسپاسوز ءماسليحاتىندا اتالعان دەپارتامەنتتىڭ ءبولىم باسشىسى نۇرجان اسىبەكوۆ سۋدا بولعان جازاتايىم جاعدايلارعا شولۋ جاسادى. ايتۋىنشا، بيىلعى جاز ماۋسىمىندا سۋعا كەتۋ جاعدايلارى كوبەيگەن. ماسەلەن، وسى ماۋسىمدا ماس كۇيىندە سۋعا شومىلۋدىڭ سەبەبىنەن 2 ادام سۋعا باتسا، ەرەسەك ادامداردىڭ قاراۋىنسىز قالعان 41 بالا ءتىلسىز جاۋعا تۇتىلىپتى. سونىمەن بىرگە، سۋعا شومىلۋ ماۋسىمى كەزەڭىندە سۋداعى قاۋىپسىزدىكتىڭ قاراپايىم قاعيدالارىن بۇزۋ، اتاپ ايتقاندا ءوز كۇشىن اسىرا باعالاۋ سەبەبىنەن 15 ادام قايتىس بولعان. دەگەنمەن، دەر كەزىندە اتقارىلعان جۇمىستاردىڭ ناتيجەسىندە، 18 ادام، ونىڭ ىشىندە، 3 ءجاسوسپىرىم بالا قۇتقارىلعان. سونداي-اق، قايعىلى جاعدايلاردى بولدىرماۋ ماقساتىندا دەپارتامەنت ماماندارى 176 بالانى جۇزۋگە ۇيرەتكەن.

وڭىرىمىزدەگى اۋا رايىنىڭ ءالى دە جىلى ەكەندىگىن العا تارتقان توتەنشەلىكتەر وڭتۇستىكقازاقستاندىقتاردى سۋ ايدىندارىنداعى قاۋىپسىزدىك قاعيدالارىنىڭ تالاپتارىن ساقتاۋعا شاقىردى. كەلەسى شومىلۋ ماۋسىمىندا سۋداعى قاۋىپسىزدىكتى قامتاماسىز ەتەتىن قۇتقارۋ بەكەتتەرىنىڭ سانىن ارتتىرۋ ءۇشىن حالىقتى جۇمىسپەن قامتۋ ورتالىقتارىمەن بىرلەسىپ جۇمىس اتقارۋدى جوسپارلاپ وتىرعانىن جەتكىزگەن ن.اسىبەكوۆ ەرىكتى قۇتقارۋشىلاردى جەدەل-قۇتقارۋ جاساقتا وقىتىپ، ولاردى دا جۇمىلدىرۋدى كوزدەپ وتىرعانىن حابارلادى.

وقو اكىمىنىڭ ءباسپاسوز قىزمەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610