پروكاتقا شىعارار الدىندا تيمۋر جاقسىلىقوۆتىڭ ستسەناريى بويىنشا، اقان ساتاەۆ رەجيسسەرلىك ەتكەن «اناعا اپارار جول» ءفيلمى الماتىدا كورسەتىلدى. بۇل ءفيلمنىڭ پرەمەراسى جاز ايىندا ماسكەۋدە وتكەن حالىقارالىق كينوفەستيۆالدە كورسەتىلدى.

رەجيسسەر اقان ساتاەۆتىڭ ايتۋىنشا، مەملەكەت قارجىسىنىڭ كومەگىنسىز تاريحي فيلم ءتۇسىرۋ مۇمكىن ەمەس. ءارى ءاليا نازارباەۆانىڭ باس پروديۋسەرلىك ەتكەنى ۇلكەن ءرول ويناعان. ءفيلمنىڭ قوماقتى قارجىعا تۇسىرىلگەنى سوعىستى كورىنىستەر كۋا بولادى. ماسەلەن دنەپردەن وتەر جولدا كوپشىلىك كورىنىسكە 500 ادام قاتىسقان. 300 قارۋ-جاراق ءتۇرى پايدالانىلعان. كينونى قازاقستان، بەلارۋس جانە ءازىربايجان قالالارىندا تۇسىرگەن.

ءفيلمنىڭ باستى جەلىسى — انا مەن ۇلدىڭ ۇزاق جىلدارعا سوزىلعان ايىرىلىسۋدان كەيىنگى قايتا قاۋىشۋى. وقيعا ۇجىمداستىرۋ، جۇت، ستاليندىك رەپرەسسيا سەكىلدى تاريحي وقيعالاردى قامتيدى. ەكىنشى دۇنيەجۇزىلىك سوعىس، تىلداعى، ستاليندىك لاگەردەگى جۇمىس. وسىنىڭ ءبارىن ءفيلمنىڭ باستى كەيىپكەرلەرى ءىلياس، ونىڭ اناسى ءماريام جانە اسىراندى قىزى ءۇمىت باستارىنان وتكەرەدى.

بۇل ءفيلمدى نارۋىز ايىندا قازاقستان پرەزيدەنتى نۇرسۇلتان نازارباەۆ تا جاقسى باعالاعانىن جەرگىلىكتى باق جازدى. ءفيلمنىڭ باس پروديۋسەرى ءاليا نازارباەۆا دا ناتيجەسىنە رازى. ء«فيلمدى قانشا كورسەم، سونشا جىلايمىن»، - دەيدى ول.