سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
جاڭالىقتار 2227 0 پىكىر 29 قىركۇيەك, 2016 ساعات 16:46

كارتون ءوندىرۋ دە قولعا الىندى

وڭتۇستىك قازاقستان وبلىسىنىڭ ورتالىعىندا عانا ەمەس بارلىق اۋدان-قالالاردا يندۋستريالدى ايماقتاردى ىسكە قوسۋ جوباسى قارقىندى جۇرگىزىلىپ كەلەدى. مۇنداي قادام الدىمەن ەل ەكونوميكاسىنىڭ العا جىلجۋىنا سەپتىگىن تيگىزسە، ەكىنشىدەن، تۇرعىنداردى جۇمىسپەن قامتۋدا ماڭىزى زور. ايتالىق، اۋماعى 35 گەكتاردى قۇرايتىن شاردارا قالاسىنداعى يندۋستريالدى ايماقتا ينجەنەرلiك-كوممۋنيكاتسيالىق ينفراقۇرىلىمدار قۇرىلىسى تولىعىمەن اياقتالعان. ول ءۇشىن مەملەكەت قازىناسىنان 467,5 ملن. تەڭگە ءبولiنiپ، سۋ، ەلەكتر ەنەرگياسى، كارiز جۇيەسى، كولiك كوممۋنيكاتسياسىمەن قامتاماسىز ەتiلگەن. بiر شاقىرىمنان استام جەرگە قۋاتتىلىعى 35 كيلوۆاتتىق ەلەكتر جەلiسi تارتىلىپ، قوسالقى ستانتسيا ساتىپ الىنعان. سۋ قۇبىرلارى جۇرگiزiلiپ، 1,3 شاقىرىم جولعا اسفالت جول توسەلگەن.

شاردارا اۋدانى اكىمىنىڭ ورىنباسارى قايرات جولدىبايدىڭ ايتۋىنشا، بۇگىنگى تاڭدا بۇل ايماققا ورنالاسۋ ءۇشىن 6 يندۋستريالدى-ينۆەستيتسيالىق جوبا تاپسىرىلسا، ونىڭ 2-ەۋi جاقىن كۇندەرi جۇمىسىن باستاماق ەكەن. Iسكە اسىرىلاتىن جوبالاردىڭ جالپى قۇنى 975 ملن. تەڭگە.

العاشقىلاردىڭ ءبىرى بولىپ ىسكە قوسىلعالى وتىرعان «اقجول 2008 لتد» جشس-i گوفرلانعان كارتون جانە قوراپ جاساۋمەن اينالىسادى. سەرىكتەستىك ديرەكتورى ن.ءاشىمحانوۆ وبلىستا مۇنداي ءوندىرىس ورنىنىڭ جوق ەكەنىن ايتادى. ال، سۇرانىس جوعارى. اسiرەسە، جيھاز جاسايتىن، ءتۇرلi تەحنيكالار شىعاراتىن كاسiپورىندار مەن اۋىل شارۋاشىلىعى ءونiمiن ساتۋمەن اينالىساتىندارعا بۇل تاۋار وتە قاجەت. دەمەك، بۇل جوبانىڭ بولاشاعىنان زور ءۇمىت كۇتۋگە بولادى دەگەن ءسوز. جالپى، قۇنى 100 ملن. تەڭگەلiك جوباعا «ماكسيمۋم» ايماقتىق ينۆەستيتسيالىق ورتالىعى ارقىلى 74 ملن. تەڭگە نەسيە بەرiلiپتi. قالعان قاراجاتتى كاسiپكەر ءوز قالتاسىنان شىعارىپ وتىر. بۇگiندە قىتايدان وندiرiستiك جابدىقتار اكەلiنiپ، مونتاجداۋ جۇمىستارى جۇرگiزiلۋدە. قازان ايىنىڭ العاشقى كۇنى ىسكە قوسىلۋى جوسپارلانىپ وتىرعان ءوندىرىس ورنى تاۋلىگىنە 5 تونناعا دەيىن كڭارتون ونىمدەرىن شىعارۋعا قۋاتى جەتەدى. 25 ادام جۇمىسپەن قامتىلادى دەپ كۇتىلۋدە.

Abai.kz

0 پىكىر