بەيسەنبى, 28 ناۋرىز 2024
جاڭالىقتار 5830 0 پىكىر 29 قىركۇيەك, 2016 ساعات 17:27

وتىراردا قازىنالى قارتتارعا قۇرمەت كورسەتىلدى

وتىرار اۋدانى اكىمدىگىنىڭ ۇيىتقى بولۋىمەن ەل تاۋەلسىزدىگىنىڭ 25 جىلدىعى اياسىندا 1 قازان – قارتتار مەن مۇگەدەكتەر كۇنىنە وراي ەكسكۋرسيا جۇمىستارى باستالدى.

مەرەيلى مەرەكە قارساڭىندا وتكىزىلىپ وتىرعان شارادا قارتتار مەن مۇمكىندىگى شەكتەۋلى جاندارعا قۇرمەت كورسەتىلىپ، شىمكەنت قالاسىنا شىعارىپ سالدى. مەرەكەلىك كوڭىل كۇي سىيلاعان شاراعا قاتىسقان  اۋدان اكىمى ەرلان ايتاحانوۆ ارداگەرلەردى قۇتتىقتاپ، بۇگىنگى  مەرەكەنىڭ بۇرىنعىدان وزگەشە مەرەكە ەكەندىگىن، سەبەبى، بيىل ءبىز ەل تاۋەلسىزدىگىنىڭ 25 جىلدىعىنىڭ اياسىندا اعا ۇرپاقتىڭ قوعام ومىرىنە قوسقان ۇلەسىنە شىنايى ريزاشىلىق ءبىلدىرىپ وتىرمىز دەدى. سونداي-اق، اۋدان باسشىسى ءوز سوزىندە «قارتتارعا قامقورلىق – ءبىزدىڭ حالقىمىزدىڭ ساناسىنا تەرەڭ سىڭگەن قاسيەت ەكەنىن ايتتى. ەلباسىمىز نۇرسۇلتان ءابىشۇلى نازارباەۆتىڭ سارابدال ساياساتىنىڭ ارقاسىندا قازاقستاندا ارداگەرلەرگە قامقورلىق جاساۋدا اۋقىمدى شارالار ىسكە اسىرىلۋدا. مەملەكەت باسشىسىنىڭ باستاماسىمەن جۇرگىزىلىپ جاتقان رەفورمالار دا حالىقتىڭ ءال – اۋقاتى مەن الەۋمەتتىك جاعدايىن كوتەرۋگە باعىتتالىپ وتىر. وسىنىڭ ءبىرى – بۇگىنگى وتكىزىلگەن ءىس-شارا»،- دەپ اتاپ ءوتتى.

اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ ۇيىمداستىرۋىمەن جۇرگىزىلەتىن ەكسكۋرسيادا قارتتار مەن مۇمكىندىگى شەكتەۋلى جاندار شىمكەنت قالاسىنداعى كورىكتى جەرلەر مەن سايرام اۋدانىنداعى  «يبراگيم اتا»، «ابدۋل ازيز» باب، «قاراشاش انا»، ء«مىرالى باب» كەسەنەلەرى مەن  ت.ب. تاريحي ورىنداردى ارالايدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3505