دۇيسەنبى, 21 قىركۇيەك 2020
COVID-19 قازاقستاندا. جۇقتىرعاندار — 107262. جازىلعاندار — 101877. قايتىس بولعاندار — 1671
كورشىنىڭ كولەڭكەسى 4320 0 پىكىر 30 قىركۇيەك, 2016 ساعات 10:06

رەسەي قىرىم تاتارلارى ماجىلىسىنە تىيىم سالدى

رەسەيدىڭ جوعارعى سوتى قىرىم سوتىنىڭ قىرىم تاتارلارى حالقىنىڭ ماجىلىسىنە تىيىم سالۋ تۋرالى شەشىمىن زاڭدى دەپ تانىدى. بۇل قىرىمداعى ءوزىن ءوزى باسقارۋ ورگانى ەدى.

ءماجىلىس مۇددەسىن قورعاعان ادۆوكات كيريلل كوروتەەۆتىڭ ايتۋىنشا، ول ەندى ستراسبۋرگتەگى ادام قۇقىقتارى جونىندەگى ەۋروپالىق سوتقا شاعىمداناتىن بولادى.

26 ساۋىردە، تۇبەكتىڭ رەسەيمەن اننەكسيالانعانىنا ەكى جىلدان استام ۋاقىت وتكەن سوڭ، قىرىمنىڭ جوعارعى سوتى ءماجىلىستى ەكسترەميستىك ۇيىم دەپ تانىپ، ونىڭ قىزمەتىنە تىيىم سالدى. 1999 جىلى ۋكراينالىق ۇكىمەت ماجىلىسكە رەسمي مارتەبە بەرگەن ەدى. تاتارلار قىرىم حالقىنىڭ شامامەن 12 پايىزىن قۇرايدى. تۇبەكتە 2,5 ميلليون ادام تۇرادى. 2014 جىلى اقپاندا تۇبەكتى رەسەيلىك اسكەر باسىپ الىپ، سول جىلى ناۋرىزدا زاڭسىز اننەكسيالانعان سوڭ، تۇرعىنداردىڭ كوبى قىرىمدى تاستاپ كەتتى.

قىرىمدا قالعان قاۋىمداستىق وكىلدەرىنىڭ مالىمدەۋىنشە، جاڭا بيلىك ولاردى قۋدالاپ كەلەدى. حالىقارالىق ادام قۇقىعىن قورعاۋشى ۇيىمدار جانە باتىس ەلدەرى ماسكەۋدى مۇسىلمان تۇركى ەتنيكالىق توبىن قۋدالاعانى ءۇشىن سىناپ وتىر.

Abai.kz

0 پىكىر