بەيسەنبى, 28 ناۋرىز 2024
قاربالاس 3268 0 پىكىر 2 قازان, 2016 ساعات 00:00

«مەكسيكا-قازاقستان» پارلامەنتتىك دوستاستىق توبى قۇرىلدى

مەكسيكا قۇراما شتاتتارىنىڭ دەپۋتاتتار كونگرەسىندە قازاقستاننىڭ مەكسيكاداعى ەلشىلىگىنىڭ باستاماسىمەن «مەكسيكا-قازاقستان» پارلامەنتتىك دوستاستىق توبى قۇرىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

2016 جىلعى 29 قىركۇيەكتە قازاقستاننىڭ مەكسيكاداعى ەلشىسى اندريان ەلەمەسوۆ پەن ەلشىلىك ديپلوماتتارىنىڭ قاتىسۋىمەن اتالعان توپتى قۇرۋدىڭ رەسمي ءراسىمى بولىپ ءوتتى. ءىس-شاراعا سونداي-اق كونگرەسس دەپۋتاتتارى — «مەكسيكا-قازاقستان» توبىنىڭ مۇشەلەرى، مەكسيكا سىرتقى ىستەر مينيسترلىگىنىڭ جانە بۇقارالىق اقپارات قۇرالدارىنىڭ وكىلدەرى قاتىستى.

سالتاناتتى ءراسىمدى اشقان مەكسيكا پارلامەنتى تومەنگى پالاتاسىنىڭ دەپۋتاتى حوسە رەفۋحيو ساندوۆال رودريگەس قازاقستاندى «ورتالىق ازيادا ەڭ دامىعان مەملەكەتتەردىڭ ءبىرى جانە الەمدەگى ەڭ تارتىمدى ينۆەستيتسيالىق ورتالىقتاردىڭ ءبىرى» دەپ اتادى.

«قازاقستاننىڭ ستراتەگياسى حالىقتىڭ ءال-اۋقاتىنىڭ نەگىزىن قالايتىن جانە ەلدىڭ يندۋستريالدىق دامۋ بازاسىنا ىقپال جاسايتىن بيزنەس-كليمات پەن ساياسي تۇراقتىلىقتى دامىتۋعا باعىتتالعان. قازىرگى ۋاقىتتا مەملەكەتتەرىمىزدىڭ الدىندا ىنتىماقتاستىقتى دامىتۋ ءۇشىن ۇلكەن مۇمكىندىكتەر تۇرعانىنا بايلانىستى، مەكسيكا پارلامەنتى تومەنگى پالاتاسىنىڭ دەپۋتاتتارى ەكىجاقتى قاتىناستاردى ودان ءارى دامىتۋعا جاعداي جاسايتىن قازاقستان-مەكسيكاندىق دوستاستىق توبىن قۇرۋ تۋرالى شەشىم قابىلدادى»، دەدى ول.

ەلشى ا.ەلەمەسوۆ ءوز كەزەگىندە قازاقستان رەسپۋبليكاسىنىڭ باستى جەتىستىكتەرى، ەلىمىزدىڭ حالىقارالىق قاتىناستارداعى ءرولى، بەيبىتشىلىكتى ساقتاۋ مەن قارۋسىزدانۋداعى نەگىزگى باستامالارى، سونداي-اق قازاقستاننىڭ ينۆەستيتسيالىق كليماتتى جاقسارتۋ باعىتىندا قولعا الىپ جاتقان شارالارى تۋرالى بايانداپ، ەكىجاقتى ەكونوميكالىق ىنتىماقتاستىقتىڭ كەلەشەگىن ايقىندادى.

ءىس-شارانىڭ سوڭىندا «مەكسيكا-قازاقستان» پارلامەنتتىك توبىنىڭ رەسمي قۇرىلعانى تۋرالى جاريالانىپ، ونى راستاۋ رەتىندە تاراپتار قۇرىلتاي اكتىسىنە قول قويدى. ا.ەلەمەسوۆ سونداي-اق مەكسيكا پارلامەنتىنىڭ قۇرمەتتى قوناقتارىنىڭ كىتابىنا ەستەلىك جازبا قالدىردى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521