جۇما, 29 ناۋرىز 2024
بىرلىك 5258 0 پىكىر 2 قازان, 2016 ساعات 11:23

ا.لودوچنيكوۆ. ء"سىزدى اكەم رەتىندە سانايمىن!"

قازاقستان پرەزيدەنتى نۇرسۇلتان نازارباەۆ پاۆلودار وبلىسىنىڭ جۇرتشىلىعىمەن كەزدەسۋ بارىسىندا جاقسى ءومىر ءسۇرۋ ءۇشىن ۋنيۆەرسيتەتتى ءبىتىرۋ مىندەتتى ەمەستىگىن العا تارتتى. بۇل تۋرالى اباي-اقپارات pavlodarnews.kz سايتىنا سىلتەمە جاساپ حابارلايدى.

"جاقسى ءومىر ءسۇرۋ ءۇشىن جاقسى ۋنيۆەرسيتەتتەردى ءبىتىرۋ مىندەتتى ەمەس جانە ونداي ادامدار شامامەن الەم بويىنشا ەكى پايىزدى الادى", - دەيدى مەملەكەت باسشىسى. ول العاشقى بولات قورىتۋشى ماماندىعىن تەحنيكالىق ۋچيليششەدەن مەڭگەرگەنىن العا تارتتى.

"جۇمىسشى ماماندىقتار ادامعا كۇندەلىكتى نانىن تاۋىپ بەرىپ قانا قويماي، ۋنيۆەرسيتەتتىڭ ديپلومىنان دا ۇلكەن ابىروي اكەلۋى مۇمكىن. العاشقى جىلدارى جاستار ەكونوميست، زاڭگەر بولۋعا تالپىناتىن، اقىرى سۇرانىسقا يە بولماي قالدى. سول ءۇشىن جۇمىسشى ماماندىقتارعا قۇرمەتپەن قاراۋ كەرەك. مەن باسشىلار قولاستىنداعىلارعا داۋىس كوتەرگەنىن ۇناتپايمىن. ولاي ىستەۋگە بولمايدى", - دەيدى نۇرسۇلتان نازارباەۆ.

سونداي-اق، كاچير بالالار ءۇيىنىڭ تۇلەگى، مۋزىكالىق مەكتەپتىڭ تاربيەلەنۋشىسى الەكسەي لودوچنيكوۆ نۇرسۇلتان نازارباەۆتىڭ ءوڭىر جۇرتشىلىعىمەن كەزدەسۋى بارىسىندا پرەزيدەنتكە ءوز ارمانىن ايتتى.

- مەن دە كوپتەگەن قازاقستاندىق بالالار سياقتى ءسىزدى اكەم رەتىندە سانايمىن. ءار بالانىڭ ارمانى بولادى. ال، مەنىڭ ارمانىم بۇگىن ورىندالدى. مەن سىزبەن كەزدەسۋدى ارمانداعان ەدىم. بەلگىلى قازاق ءانشىسى امىرە قاشاۋباەۆ 1925 جىلى پاريجدە وتكەن ەكسپو-دا «بالقاديشا» ءانىن ورىنداعان. مەن تەلەديداردان وسى ءاندى ءسىزدىڭ شىرقاعانىڭىزدى كوردىم. ەندى مەن بۇل ءاندى سىزگە ورىنداعىم كەلەدى. سونداي-اق، استانادا ەكسپو-2017 كورمەسىندە ءان سالسام دەيمىن، - دەدى الەكسەي قازاق تىلىندە.

پرەزيدەنت جاس جىگىتتى مەملەكەتتىك ءتىلدى جاقسى مەڭگەرگەنى ءۇشىن ماقتادى.

- سەن مەنىڭ سەرىكتەستەرىمە قاراعاندا قازاق تىلىندە جاقسى سويلەيسىڭ، - دەپ نۇرسۇلتان نازارباەۆ ەل تاۋەلسىزدىگىنىڭ 25-جىلدىعىنا وراي استانادا وتەتىن كونتسەرتكە شاقىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610