قوعامدىق قابىلداۋعا كەلگەن سۆەتلانا تۇرعانباەۆا حالىق قالاۋلىسىنان مۇگەدەك بالاسىنىڭ مەملەكەتتەن العان باسپاناسىن زاڭ­داستىرۋعا كومەكتەسۋدى، جەكسەنباي نۇر­مانوۆ ساياجايداعى جەر تەلىمىنە قاتىستى م­اسەلەنى شەشىپ بەرۋدى، ءلاززات حۋمەر II توپ­تا­عى مۇگەدەك ءسىڭلىسىن كۇتىپ وتىرعانىنا باي­­­دانىستى مەملەكەتتەن جاردەماقى الۋدى جانە باسپاناعا قول جەتكىزۋگە ىقپال ەتۋدى سۇ­را­دى. ال زەينەتكەر ءاينابيبى ايازباەۆا الەۋ­­مەتتىك-ماتەريالدىق كومەككە مۇقتاج ەكە­نىن العا تارتسا، دۇيسەنبەك شاماي 1 بول­مەلى پاتەرىن 3 بولمەلى پاتەرگە اۋىستىرىپ بەرۋ­دى ءوتىندى.

تىلشىلەرمەن تىلدەسكەن كەزدە س. تۇر­عان­باەۆا: «مەملەكەت بالاما مۇگەدەكتىگىنە بايلانىستى ءۇي بەردى. الايدا ءۇي ونىڭ اتىنا تۇسكەن جوق، ياعني، بالام مەنشىك يەسى بولىپ سانالمايدى. ءبىز پارتيانىڭ قوعامدىق قابىلداۋىنا وسى ماسەلەنى شەشىپ بەرەدى دەگەن ۇمىتپەن كەلىپ وتىرمىز» دەسە، 
ج. نۇر­مانوۆ: «مەن ساياجايداعى جەر تەلىمىن زاڭ­داستىرىپ بەرۋدى سۇرايمىن. بۇل جەردى ساتىپ العانمىن، قولىمدا بارلىق قۇجاتتارى بار. قالانىڭ ىشىنەن ءۇي ساتىپ الۋعا جاع­دايىم كەلمەيدى، قۇزىرلى مەكەمەلەر وسىنى نازارعا السا ەكەن دەيمىن» دەدى. ال ل.حۋمەر: ء«سىڭلىمنىڭ  دەنساۋلىعىنا باي­لانىستى ۇنەمى قاسىندا وتىرامىن، جۇمىس ىستەمەيمىن،  مۇگەدەكتىككە بايلانىستى سىڭلىمە بەرىلەتىن جار­دەماقى ءومىر سۇرۋگە جەتپەيدى. ماعان كۇتۋ­شى رەتىندە مەملەكەتتەن جاردەماقى بە­رىلۋى ءتيىس دەگەندى ەستىدىم. قوعامدىق قابىل­داۋدان وسىنىڭ ءمان-جايىن بىلەيىن، مۇمكىن بولسا دەپۋتاتتىڭ كومەگىمەن ماسەلەمدى شەشەيىن دەپ كەلدىم. قوعامدىق قابىلداۋ ارقىلى بيلىكتەن باسپانا سۇراۋدى دا ءجون كور­دىم. سەبەبى ءبىزدىڭ ەڭ باستى قاجەتتى­لى­گى­مىز­دىڭ ءبىرى  – باسپانا» دەدى.

ب.ىزمۇحامبەتوۆ قوعامدىق قابىلداۋعا كەل­گەن ازاماتتارعا بارلىق ماسەلە زاڭ ايا­سىندا شەشىلەتىنىن، پارتيا دا، مەملەكەتتىك مە­كەمەلەر دە ەشكىمگە «قونىشتان باسىپ» كو­مەك كورسەتە المايتىنىن ءتۇسىندىردى. ول قو­عامدىق قابىلداۋعا كەلگەن ادامداردىڭ وتى­نىشتەرى ءتيىستى ورگاندارعا جونەلتىلەتىنىن جا­نە ناقتى شەشىم قابىلدانعانشا پار­تيانىڭ باقىلاۋىندا بولاتىنىن جەتكىزدى.

حالىق قالاۋلىسىنىڭ سوزىنشە، پرەزي­دەنتتىڭ پارمەنىنە ساي، قاراپايىم حالىقتىڭ الەۋمەتتىك جاعدايىن جاقسارتۋ جولىنداعى جۇمىستار ۇزدىكسىز جالعاسا بەرەدى. ال ەل ازا­مات­تارىنا قيىن بولىپ كورىنگەنىمەن ات­قارۋشى بيلىكتىڭ قاۋقارى كەلەتىن ماسەلەلەر دەر كەزىندە، ۋشىقپاي تۇرعاندا  شەشىلەدى. 

Abai.kz