ۇكىمەت وتىرىسى كەزىندە باقىتجان ساعىنتاەۆ تۇرعىن ءۇي، اۋرۋحانا مەن مەكتەپتەردىڭ قۇرىلىسىنا قاتىستى پروبلەمالارى بار ايماقتاردىڭ اكىمدەرىن تىڭدادى، - دەپ جازادى "تۇركىستان" گازەتىنىڭ ءتىلشىسى.

شىعىس قازاقستان وبلىسىندا جاس وتباسىلارعا ارنالعان جالعا بەرىلەتىن تۇرعىن ءۇي قۇرىلىسىنىڭ قاراجاتىن يگەرۋ بويىنشا ەڭ تومەنگى كورسەتكىشتەر بايقالدى – ول 66% جانە ينجەنەرلىك-كوممۋنيكاتسيالىق ينفراقۇرىلىمدى سالۋ بويىنشا – 56%.

شقو اكىمى التاي كولگىنوۆ تۇسىندىرگەندەي، بيىلعى جىلعى 1 قىركۇيەكتەگى جاعداي بويىنشا جاس وتباسىلارعا ارنالعان جالعا بەرىلەتىن تۇرعىن ءۇي قۇرىلىسىنا 2016 جىلعا قاراستىرىلعان 444 ملن تەڭگەدەن وبلىس اكىمدىگىنە 300 ملن تەڭگە اۋدارىلدى، ونىڭ 198 ملن تەڭگەسى يگەرىلدى (66%).

«بيىلعى 1 قىركۇيەكتەگى جاعداي بويىنشا ينجەنەرلىك ينفراقۇرىلىمدى جۇرگىزۋ 56% قۇراسا، قازىر — 73%، ال قازان ايىندا 100% قۇرايتىن بولادى. تۇرعىن ءۇي ءازىر، كوممۋنيكاتسياعا كەلسەك، ەلەكتر جەلىسى جۇرگىزىلىپ، كارىز جۇيەلەرى مەن گاز تارتىلدى. سۋمەن جابدىقتاۋ جانە اباتتاندىرۋ جۇمىستارى جالعاسۋدا. 15 قازانعا دەيىن بۇل جۇمىستاردى اياقتايمىز. مەملەكەتتىك باعدارلامالاردىڭ يگەرىلۋى مەن ورىندالۋى ەرەكشە باقىلاۋعا الىنعان»، — دەپ ەسەپ بەردى شقو اكىمى.

اتىراۋ وبلىسىندا 2014 جىلدان بەرى ءبىر دە ءبىر بالاباقشا پايدالانۋعا بەرىلمەگەن. ب.ساعىنتاەۆ اتىراۋ وبلىسىنىڭ اكىمى نۇرلان نوعاەۆتان قۇرىلىستاردىڭ ۇزاق جۇرگىزىلۋ سەبەپتەرىن ءتۇسىندىرۋىن سۇرادى.

ن. نوعاەۆتىڭ ايتۋىنشا، بىرلىك اۋىلىندا 280 ورىندىق بالاباقشانىڭ قۇرىلىسى جەرگىلىكتى بيۋدجەت قاراجاتى ەسەبىنەن اياقتالادى، ونىڭ تاپسىرىلۋ مەرزىمى كەلىسىمشارت بويىنشا 2014 جىلدىڭ 1 شىلدەسىنە بەلگىلەنگەن ەدى. نىسان قۇرىلىسى مەردىگەرلەردىڭ جۇمىسىنان ساپاسىزدىعىنان كەشەۋىلدەپ جاتىر، قازىر بارلىق ماسەلەلەر شەشىلگەن، نىسان 2016 جىلدىڭ سوڭىنا قاراي پايدالانۋعا بەرىلەدى.

«اتىراۋداعى «نۇرسايا» ىقشام اۋدانىندا 624 ورىندىق مەكتەپتىڭ ازىرلىگى 16% قۇراپ وتىر، كەلىسىمشارت بويىنشا تاپسىرىلۋ مەرزىمى — 2016 جىلدىڭ 1 قىركۇيەگى، كەلەسى جىلى اياقتايمىز. ۇلتتىق قور ەسەبىنەن سالىنىپ جاتقان ماقات اۋدانىنداعى دوسسور كەنتىندە 310 ورىندىق مەكتەپتىڭ ازىرلىگى 95% قۇرايدى، قازىر اباتتاندىرۋ جۇمىستارى جۇرگىزىلىپ جاتىر، كەلىسىمشارت بويىنشا تاپسىرۋ مەرزىمى 2016 جىلدىڭ 1 قىركۇيەگى، جىل سوڭىنا دەيىن بىتىرەمىز»، – دەپ كەلىستى ايتىلعان سىنمەن اكىم.

قاراعاندى وبلىسىندا اۋىلداردا 11 دارىگەرلىك امبۋلاتوريا مەن وبلىستىق كوپبەيىندى بالالار اۋرۋحاناسى پايدالانۋعا بەرىلمەگەن. وبلىس باسشىسى نۇرمۇحامبەت ابدىبەكوۆ قازىرگى تاڭدا دارىگەرلىك امبۋلاتوريالاردىڭ ازىرلىگى 95% قۇراپ وتىرعانىن ايتتى. ال وبلىس اكىمدىگىنىڭ قۇرىلىس باسقارماسى مەردىگەرلىك ۇيىمدارمەن سوتتاسىپ جاتىر.

ء«بىز وبلىستىق بالالار اۋرۋحاناسى مەن 27 اۋىلدا دارىگەرلىك امبۋلاتوريا اشۋدى جوسپارلاعان ەدىك، ونىڭ 16-سى اشىلدى، قالعان 11-ءى بويىنشا ماسەلە جىل سوڭىنا دەيىن، سوت شەشىمى شىققان سوڭ شەشىلەدى»، – دەپ ەسەپ بەردى ن. ابدىبەكوۆ.

Abai.kz