جۇما, 29 ناۋرىز 2024
جاڭالىقتار 3699 0 پىكىر 2 قازان, 2016 ساعات 21:07

بارلاۋ جۇمىستارى باستالدى

قاراتاۋ ءتاجى اتانعان كەنتاۋ قالاسىنىڭ تىزگىنىن ۇستاعان ازاماتتار ءبىر كەزدەرى باسىنان بۇلبۇل ۇشقان باعىن قايتارۋ جولىندا قىزۋ جۇمىس جۇرگىزۋدە. كەزىندە تىنىس-تىرشىلىگى قىج-قىج قايناعان قالادا كەيىنگى جىلدارى ءولى تىنىشتىق ورناپ، جەرگىلىكتى تۇرعىنداردىڭ كوبى كوشىپ كەتكەن بولاتىن. ەندى، مىنە، كەندى قالادا قىزۋ تىرلىك قايتا باستاۋ الۋدا.

وسىدان ءبىراز ۋاقىت بۇرىن مىس، تەمىر رۋدالارىن بارلاۋ ماقساتىندا بىرقاتار قادامدار جاسالعان بولاتىن ناتيجەسىندە بۇگىندە اتالعان رۋدالاردى بۇرعىلاۋ جۇمىستارى باستالىپ كەتتى. بۇل جۇمىستاردىڭ قالاي ءجۇرىپ جاتقاندىعىن ءبىلۋ ءۇشىن قالا اكىمى ابدىباقىت ماقۇلباەۆ پەن كەن ءوندىرۋ ءىسىنىڭ ماماندارى «قىزىل اتا» كەن ءوندىرۋ ورنىندا بولىپ، ونداعى جۇرگىزىلىپ جاتقان جۇمىستارمەن تانىسىپ قايتتى.تىنىمسىز ءجۇرىپ جاتقان جۇمىستاردىڭ بارلىعىن ارالاپ كورگەن قالا باسشىسى قولعا الىنعان يگى ىسكە كوڭىلى تولدى. كەن بارلاۋ جۇمىستارىنىڭ  العاشقى ناتيجەلەرى كوڭىل قۋانتارلىق.

وبلىس اكىمىنىڭ ءباسپاسوز قىزمەتى حابارلاعانداي، «قىزىل اتا» كەن ءوندىرۋ جۇمىستارىن قولعا العان  «ايقارااۋىل» تاۋكەن كومپانياسى جۇمىستى ءتيىستى دەڭگەيدە جۇرگىزىپ وتىر ەكەن. بۇگىنگى تاڭدا  كەن ءوندىرۋ ورنىندا 25 ادام تۇراقتى جۇمىس اتقارۋدا. قاجەتتى تەحنيكالىق جابدىقتارمەن جانە كولىك قۇرالدارىمەن تولىق قامتاماسىز ەتىلگەن. الداعى ۋاقىتتا جۇمىس كولەمى ۇلعايىپ، جۇمىسپەن قامتىلاتىن ادامدار سانى دا ارتپاق.

قارت قاراتاۋدىڭ باۋرايىنداعى كەنتاۋ وسىلايشا بايىرعى كەلبەتىن قايتارىپ، الداعى ۋاقىتتا كەن ورىندارىنداعى تىرشىلىك بۇگىنگىدەن دە قىزا تۇسەدى دەگەن سەنىم بار. كەنتاۋداعى ترانسفورماتور زاۋىتىنىڭ ونىمدەرى بۇگىندە وبلىسقا عانا ەمەس رەسپۋبليكا اۋماعىنا تاراپ، تۇتىنۋشىلاردىڭ زور سەنىمىنە يە بولعان ءىرى كاسىپورىنداردىڭ ءبىرى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555