سەنبى, 6 ناۋرىز 2021
قوعام 4756 0 پىكىر 3 قازان, 2016 ساعات 10:46

مەتروداعى جارناما. "اينالدىر", "جالا", "مالىپ ال"...

قازاقتى جارنامامەن ماسقارالاۋ ويىنى ءالى جالعاسىپ جاتىر. ماسەلەن، مىنا جارنامانى الماتى قالاسىنىڭ مەتروسىنان كوردىم. 

"ەكى ميلليونعا جۋىق تۇرعىنى بار قالادا قازاقتىڭ ءتىلىن بىلەتىن ءبىر ادام جوق بولعانى ما؟" دەگەن زاڭدى ساۋال تۋادى، وسىندايدا. ارينە، بار. بىرەۋ ەمەس، ميلليوندار قازىر قازاق ءتىلىن جەتىك بىلەدى. ولاردى ءتىلىن قورلاپ، مازاقتاعىسى كەلەتىن استىرتىن توپ بار سەكىلدى. 

مۇنداي جارنامالار بۇگىندە ەلىمىزدە قولدانىلۋى قارقىن العان قازاق ءتىلىن ارتقا تارتقىسى كەلەتىندەر ادەيى جاسايتىن سەكىلدى اسەر ەتەدى. مىسالى وتكەندە عانا بۇكىل ءباسپاسوز تومەندەگى "شاباتتان" دەگەن جارنامانى سىناپ، شۋ كوتەرگەن بولاتىن.

ەندىگى توسىنسىيى "اينالدىر", "جالا", "مالىپ ال" بولدى. 

ەڭ قىزىعى وسى ەكى جارناما دا الماتى قالاسىنداعى مەتروعا ءىلىنىپتى. نەگە؟

بىرىنشىدەن، وسىنداي قازاق ءتىلىن قورلاپ، جارناما جاساۋشىلاردى سوتقا بەرۋ كەرەك.

ەكىنشىدەن، وسى جارنامانى ىلۋگە رۇقسات بەرىپ، تابىس تاۋىپ وتىرعان مەترو باسشىلىعى دا جاۋاپقا تارتىلۋى كەرەك.

ءشارىپحان قايسار

Abai.kz

0 پىكىر