ۋكراينا رەسەيدەن رومان سۋششەنكونى تەز ارادا بوساتۋىن تالاپ ەتتى
ۋكراينا قورعانىس مينيسترلىگى بارلاۋ باسقارماسىنىڭ باسشىسىنىڭ مالىمدەۋىنشە، ماسكەۋ تىڭشى دەپ ايىپتاعان جۋرناليست رومان سۋششەنكو بارلاۋ قىزمەتىندە ىستەمەيدى.
بۇعان دەيىن رەسەيدىڭ فەدەرالدىق قىزمەتى ۋكراينالىق جۋرناليست سۋششەنكونىڭ قامالعانى تۋرالى حابارلاعان بولاتىن. رەسەيلىك ارنايى قىزمەت وعان ۋكراينالىق اسكەري قىزمەت ءۇشىن ماسكەۋدە مالىمەت جيناۋمەن اينالىستى دەگەن كۇدىك تاعىپ وتىر.
قازىر سۋششەنكو تەرگەۋ اباقتىسىندا وتىر. 1 قازاندا سوت ونى ەكى ايعا قاماۋ تۋرالى ۇكىم شىعاردى.
ادۆوكات نيكولاي پولوزوۆتىڭ ايتۋىنشا، ۋكراينالىق ءجۋرناليستىڭ ۇستالۋىن "كىسى ۇرلاۋ" قىلمىسىنا جاتقىزۋعا بولادى.
رومان سۋششەنكو "ۋكرينفورم" اگەنتتىگىنىڭ رەسەي استاناسىنداعى ءتىلشى بولىپ ىستەيدى. "ۋكرينفورم" ءجۋرناليستىڭ قاماۋعا الىنۋىن "ارانداتۋشىلىق" دەپ اتادى.
Abai.kz
