بەيسەنبى, 30 مامىر 2024
بىلگەنگە مارجان 11028 0 پىكىر 5 قازان, 2016 ساعات 14:54

مۋزىكانىڭ دەنساۋلىققا پايداسى قانداي؟

دۇنيە ەسىگىن اشقان بويدا ادام قۇلاعى نەشە ءتۇرلى اۋەندى ەستيدى. ءبىرى جاعىمدى، ءبىرى جاعىمسىز، ءبىرى قورقىنىشتى، ال ەندى ءبىرى جان سەرگىتەرلىك بولادى. «الديدەن» باستاۋ الاتىن اۋەزدى مۋزىكالار ادام ساناسىنا دا، فيزيولوگيالىق تۇلعاسىنا دا اسەر ەتەدى ەكەن. بۇل تۋرالى "massaget.kz" پورتالى جازادى.

بۇل ەجەلگى داۋىردەن دالەلدەنىپ كەلە جاتىر. مىسالى، كونە مىسىردا ۇيقىسىزدىقتى حوردىڭ ءان شىرقاۋىمەن ەمدەگەن ەكەن. ال ەجەلگى قىتايدا مۋزىكا بۋىن جانە قان تامىرلارى اۋرۋىنا ەم بولعان. انتيكالىق ءداۋىردىڭ فيلوسوفتارى مۋزىكالىق تەراپيا تۋرالى تراكتاتتار جازعان. ولاي بولسا، مۋزىكانىڭ ادام اعزاسىنا قالاي اسەر ەتەتىنىن بايقاپ كورەيىك.

مۋزىكا كۇش سىيلايدى

عالىمدار ادام فيزيكالىق كۇش جۇمساعاندا، بۇلشىقەت شامادان تىس قىزمەت اتقارعان كەزدە مۋزىكا تىڭداپ جۇرسە، ول ونىڭ جۇمىس جاساۋ قابىلەتىن ەكى ەسە ارتتىرادى ەكەن. جاتتىعۋ زالىندا جۇرگەندە، جۇگىرگەندە سپورتشىلار قۇلاققاپپەن ءان تىڭداپ جۇرەدى. بۇل سول زەرتتەۋدىڭ ناتيجەسىنەن الىنعان. جىگەرلەندىرىپ، رۋح سىيلايتىن اۋەندەر تەز قوزعالۋعا مۇمكىندىك بەرەدى. ءار نوتانىڭ بۇلشىقەتكە بەرەرى كوپ.

مۋزىكالىق فون ۋاقىتتىڭ ءوتۋىن باياۋلاتادى

كوپشىلىك جۇرەتىن جەردە مىندەتتى تۇردە مۋزىكا قوسىلىپ تۇرادى. دۇكەن، اۋەجاي، سۋپەرماركەت، ۆوكزال – بارلىعىندا. بۇل ساتۋشىنىڭ نە كاسسيردىڭ كوڭىلىن كوتەرۋ ءۇشىن قوسىلىپ تۇرمايدى. لاۋنج، بليۋز نەمەسە وسىلار سەكىلدى باياۋ اۋەندەر ادامنىڭ سول كەڭىستىكتە قوسىلىپ تۇرعان اۋەنمەن جاي جۇرۋىنە اسەر ەتەدى. اۋەن وسى ۋاقىت ارالىعىندا ادامنىڭ ساناسىن تىنىشتاندىرادى. ادام اسىعىپ تۇرعانىن دا ۇمىتىپ كەتۋى عاجاپ ەمەس.

مۋزىكا ناركوز رەتىندە دە اسەر ەتەدى

كەي مۋزىكا وتا ۇستەلىندە جاتقان ناۋقاستىڭ اۋرۋىن سەزدىرمەيتىن كۇشكە يە بولا الادى. ادامنىڭ جۇيكە جاسۋشاسىن ۇيىقتاتا الاتىن اۋەندەر قان اينالىم جۇيەسىن دە بىرقالىپتا ۇستاپ تۇرادى.

ىرعاق پەن ۇندەستىك يممۋنيتەتتى نىعايتادى

زەرتتەۋشىلەر بەلگىلى ءبىر ىرعاق پەن ۇندەستىك ادام اعزاسىنىڭ يممۋنيتەتىن كوتەرەتىنىن ايتادى. ماسەلەن، قوڭىراۋ ءۇنى، تيبەت ىدىستارىنىڭ داۋسى، ت.ب. ولار اعزاداعى ميكروبتاردى، جاعىمسىز زاتتاردى ولتىرە الادى.

مۋزىكوتەراپيا جادتى جاڭعىرتادى

جاعىمدى اۋەن ەستە ساقتاۋ قابىلەتىن ارتتىرادى. ميدىڭ اقپارات ساقتاۋ قورىنا جاۋاپ بەرەتىن گيپپوكامپ اتالاتىن بولىگىنە مۋزىكوتەراپيانىڭ پايداسى زور. پسيحولوگتاردىڭ كوپشىلىگى اڭگىمە-سۇحبات بارىسىندا جاي اۋەن قوسىپ قويۋدى قۇپتايدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2420
ادەبيەت

«سولاي ەمەس پە؟»

عابباس قابىشۇلى 2740
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3194
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1816