بەيسەنبى, 28 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4768. قايتىس بولعاندار — 37
انىق 4265 1 پىكىر 19 قازان, 2016 ساعات 11:14

رۋحاني كەلىسىم كۇنى – ەلىمىزدىڭ تاريحىنا كىرەتىن كۇن

ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ رۋحاني كەلىسىم كۇنىنە ورايلاستىرىلعان حالىقارالىق كونفەرەنتسياعا قاتىستى.

2016 جىلعى 17 قازاندا ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ استانا قالاسىنىڭ اكىمدىگى «رۋحاني كەلىسىم كونگرەسى» حالىقارالىق قورىمەن بىرلەسىپ ۇيىمداستىرعان «ەتنيكاارالىق كەلىسىم – ءدىني تۇراقتىلىقتىڭ نەگىزى» تاقىرىبىنا ارنالعان حالىقارالىق كونفەرەنتسيا جۇمىسىنا قاتىستى.

كونفەرەنتسيا رۋحاني كەلىسىم كۇنى جانە قازاقستان رەسپۋبليكاسى تاۋەلسىزدىگىنىڭ 25-جىلدىعىنا ورايلاستىرىلدى.

ن.ەرمەكباەۆ ءوزىنىڭ قۇتتىقتاۋ سوزىندە حالىقارالىق كەڭىستىكتە، سونداي-اق مەملەكەت ىشىندە، مادەنيەتتەر مەن دىندەر اراسىندا سۇحبات ورناتۋعا، ۇيلەسىمدى ەتنيكاارالىق جانە كونفەسسياارالىق قاتىناستاردى دامىتۋعا باعىتتالعان مەملەكەت باسشىسىنىڭ ءبىرىنشى حالىقارالىق باستامالارىنىڭ ءبىرىنىڭ دۇنيەگە كەلگەن كۇنى رەتىندە ەلىمىزدىڭ تاريحىنا كىرەتىنىن ەسكەرە وتىرىپ، كونفەرەنتسيا قاتىسۋشىلارىن قازاقستان حالقىنىڭ رۋحاني كەلىسىم كۇنىمەن قۇتتىقتادى.

«قازاقستان زايىرلى مەملەكەتتىڭ نەگىزگى ءپرينتسيپى رەتىندە – ءدىني، ۇلتتىق جانە ناسىلدىك قاتىستىلىعىنا قاراماستان بارلىق ازاماتتاردىڭ تەڭدىگىن جاريالادى. ەشكىم باسقا ازاماتتى ونىڭ ۇلتتىق، ءدىني قاتىستىلىعىنا نەمەسە ءدىني سەنىمىنەن باستارتۋى نەگىزىندە كىنالاۋعا قۇقىعى جوق. وسىنىڭ ارقاسىندا قازاقستاندا ەتنوستار مەن كونفەسسيالار اراسىندا دوستىق قاتىناستار ورنادى. ءارتۇرلى مادەنيەت ادامدارى اراسىندا سەنىم مەن كەلىسىم، ءبىر-بىرىنە دەگەن سىيلاستىق ارقاشاندا ءبىزدىڭ قوعامىمىزدىڭ ماڭىزدى قۇندىلىقتارى بولىپ تابىلادى»، - دەدى ەرمەكباەۆ.

كونفەرەنتسيا جۇمىسىنا قازاقستان حالىق اسسامبلەياسىنىڭ توراعاسى ە.توعجانوۆ، استانا قالاسى اكىمىنىڭ ورىنباسارى ە.امانشاەۆ، «رۋحاني كەلىسىم كونگرەسى» حالىقارالىق قورىنىڭ توراعاسى ت.مۇحامەدجانوۆ، رف مەملەكەتتىك دۋماسىنىڭ دەپۋتاتى ي.كوبزون، سونىمەن قاتار ءدىني بىرلەستىكتەردىڭ، عىلىمي-ساراپشىلار قاۋىمداستىعىنىڭ، رەسەي، قىرعىزستان، ليۆان جانە اقش مەملەكەتتەرىنىڭ ۇكىمەتتىك ەمەس ۇيىمدارىنىڭ وكىلدەرى قاتىستى.

Abai.kz

 

 

1 پىكىر