ماسكەۋ. 1 قىركۇيەك. قازتاگ -كەڭەستەر ووداعىنىڭ باتىرلارى باۋىرجان مومىشۇلى مەن ءاليا مولداعۇلوۆانىڭ اتىنداعى ماسكەۋلىك №229 جانە №891-ءشى مەكتەپتەردىڭ تۇساۋ كەسەرى قازاقستان پرەزيدەنتىنىڭ قاتىسۋىمەن كۇزدە وتەدى دەپ جوسپارلانۋدا، دەپ قازاقستاننىڭ رەسەيدەگى ەلشىلىگى حابارلايدى.

«بۇل مەكتەپتەردىڭ رەسمي تۇساۋ كەسەرى قازاقستاننىڭ جوعارعى باسشىلىعى مەن ماسكەۋ مەريا وكىلدەرىنىڭ قاتىسۋمەن اعىمداعى جىلدىڭ قازان-قاراشاسىنا جوسپرالنعان»، - دەيدى ەلشىلىك.

ءباسپاسوز قىزمەتىنىڭ حابارلاۋىنشا، 1-ءشى قىركۇيەكتە قازاقستاننىڭ رەسەيدەگى توتەنشە جانە وكىلەتتى ەلشىسى زاۋىتبەك تۇرىسبەكوۆ سوعىستاعى قازاقستاندىق باتىرلاردىڭ ەسىمدەرىمەن اتالعان  ماسكەۋلىك وسى مەكتەپتەردەگى ءبىلىم كۇنىنە ارنالعان سالتاناتتى شارالارعا قاتىستى.

راسىمگە قاتىسۋشىلار قاتارىندا سونداي-اق زەلەنوگراد پرەفەكتىسى اناتولي سميرنوۆ، شىعىس اكىمشىلىك وكرۋگىنىڭ پرەفەكتى نيكولاي ەۆتيحيەۆ، سوعىس ارداگەرلەرى، ماسكەۋ ۇكىمەتىنىڭ، قازاق دياسپوراسىنىڭ وكىلدەرى، قازاقستاندىق ديپلوماتتار بولدى.

حاباردا ايتىلعانداي، قازاقستاندىق كاسىپكەرلەر ماسكەۋلىك №229-شى جانە №891-ءشى مەكتەپتەردى زاماناۋي جابدىقتارمەن جابدىقتاۋعا كومەكتەستى.

ماسكەۋ. 1 قىركۇيەك. قازتاگ -كەڭەستەر ووداعىنىڭ باتىرلارى باۋىرجان مومىشۇلى مەن ءاليا مولداعۇلوۆانىڭ اتىنداعى ماسكەۋلىك №229 جانە №891-ءشى مەكتەپتەردىڭ تۇساۋ كەسەرى قازاقستان پرەزيدەنتىنىڭ قاتىسۋىمەن كۇزدە وتەدى دەپ جوسپارلانۋدا، دەپ قازاقستاننىڭ رەسەيدەگى ەلشىلىگى حابارلايدى.

«بۇل مەكتەپتەردىڭ رەسمي تۇساۋ كەسەرى قازاقستاننىڭ جوعارعى باسشىلىعى مەن ماسكەۋ مەريا وكىلدەرىنىڭ قاتىسۋمەن اعىمداعى جىلدىڭ قازان-قاراشاسىنا جوسپرالنعان»، - دەيدى ەلشىلىك.

ءباسپاسوز قىزمەتىنىڭ حابارلاۋىنشا، 1-ءشى قىركۇيەكتە قازاقستاننىڭ رەسەيدەگى توتەنشە جانە وكىلەتتى ەلشىسى زاۋىتبەك تۇرىسبەكوۆ سوعىستاعى قازاقستاندىق باتىرلاردىڭ ەسىمدەرىمەن اتالعان  ماسكەۋلىك وسى مەكتەپتەردەگى ءبىلىم كۇنىنە ارنالعان سالتاناتتى شارالارعا قاتىستى.

راسىمگە قاتىسۋشىلار قاتارىندا سونداي-اق زەلەنوگراد پرەفەكتىسى اناتولي سميرنوۆ، شىعىس اكىمشىلىك وكرۋگىنىڭ پرەفەكتى نيكولاي ەۆتيحيەۆ، سوعىس ارداگەرلەرى، ماسكەۋ ۇكىمەتىنىڭ، قازاق دياسپوراسىنىڭ وكىلدەرى، قازاقستاندىق ديپلوماتتار بولدى.

حاباردا ايتىلعانداي، قازاقستاندىق كاسىپكەرلەر ماسكەۋلىك №229-شى جانە №891-ءشى مەكتەپتەردى زاماناۋي جابدىقتارمەن جابدىقتاۋعا كومەكتەستى.

«1-ءشى قىركۇيەككە قارسى قازاقستاننىڭ رەسەيدەگى ەلشىلىگىنىڭ جانە جامبىل مەن اقتوبە وبلىسىنىڭ كاسىپكەرلەرىنىڭ كومەگىمەن ەكى مەكتەپتى دە زاماناۋي وقۋ-تەحنيكالىق جابدىقتارمەن - دەنساۋلىق ساقتاۋ جيھازدارىمەن، كومپيۋتەرلەرمەن، ينتەراكتيۆتىك تاقتالارمەن، زاماناۋي وقۋ جانە عىلىمي-تانىمدىق ادەبيەتتەرمەن، قازاق اۆتورلارىنىڭ كىتاپتارىمەن، سپورتتىق جابدىقتارمەن جابدىقتاۋ جۇمىستارى جۇرگىزىلدى»، - دەلىنگەن تاراتىلعان اقپارتتىق باياندا.

ز. تۇرىسبەكوۆ وقۋشىلار مەن مۇعالىمدەردى ءبىلىم كۇنىمەن قۇتتىقتادى، جاڭا وقۋ جىلىندا تابىس پەن جەتستىكتەر تىلەدى. ول ماسكەۋ مەرى يۋري لۋجكوۆتى مەكتەپتى جەتىلدىرۋدە كورسەتكەن كومەگى ءۇشىن العىسىن ءبىلدىردى.

ەلشى اتاپ كورسەتكەندەي، ىنتىماقتاستىقتىڭ مۇنداي ءتۇرى ەكى ەلدىڭ حالىقتارىنىڭ اراسىنداعى شىنايى دوستىقتىڭ جارقىن كورىنىسى بولىپ تابىلادى دا، ورتاق مادەني جانە تاريحي بايلانىستارىمىزدى ساقتاۋعا كومەكتەسىپ، ورتاق گۋمانيتارلىق كەڭىستىكتى دامىتۋعا سۇبەلى ۇلەس قوسادى.

راسىمگە قاتىسۋشىلار مومىشۇلى مەن مولداعۇلوۆانىڭ كەۋدە مۇسىندەرىنە گۇل شوقتارىن قويىپ، مەكتەپ مۇراجايلارىنداعى ەكسپوزيتسيالارمەن تانىسىپ، وقۋ كلاسستارىن كوردى.

ماسكەۋدىڭ شىعىس وكرۋگىنىڭ ۆيشنياكا ۋدانىنداعى ءا. مولداعۇلوۆا كوشەسىندە ورنالاسقان، ءا. مولداعۇلوۆا اتىنداعى مەكتەپ 1971-ءشى جىلى اشىلعان. 1942-1945-ءشى جىلدار ارالىعىندا وسى جەردە ورتالىق مەرگەندەر مەكتەبى جۇمىس ىستەپ، ونى 2200 ادام ءبىتىرىپ، ونىڭ ىشىندە ءاليا مولداعۇلوۆا دا ءبىتىرىپ شىققان. قازاقتىڭ داڭقتى قىزىنىڭ ەسىمى بۇل مەكتەپكە 1999-شى جىلى بەرىلگەن. قازاقستاندىق تاراپتىڭ كومەگىمەن بىرنەشە جىل بۇرىن مۇندا الاڭ ايتارلىقتاي كەڭەيتىلىپ، ءاليا مولداعۇلوۆا اتىنداعى مۇراجاي ەكسپوزيتسيالارى تولىقتىرىلعان. جەڭىستىڭ 60 جىلدىعى قارساڭىندا اۋلانى قازاقتىڭ داڭقتى قىزىنىڭ كەۋدە ءمۇسىنى مەن مەموريالدىق تاقتا ورناتىلىپ، ەندى جىل سايىن وقۋ جىلى وسى جەردە باستالاتىن بولدى.

زەلەنوگراد وكرۋگىنىڭ №229-شى مەكتەبىنە باۋىرجان مومىشۇلى ەسىمىن ماسكەۋ مەرى بيىل 19-شى ناۋرىزدا بەردى. بۇل تاڭداۋعا مەكتەپتىڭ بۇگىنگى زەلەنوگرادتىڭ ورتالىعىنداعى كريۋكوۆو ستانتسياسىنىڭ ماڭايىندا ورنالاسقانى، ال بۇل جەردە سوعىس جىلدارى موسكۆا ءۇشىن شايقاستا گەنەرال يۆان پانفيلوۆ باسقارعان 316-شى ديۆيزياسى وشپەس ەرلىك تانىتقانى سەبەپ بولدى.