جۇما, 29 ناۋرىز 2024
جاڭالىقتار 3959 0 پىكىر 28 قازان, 2016 ساعات 10:37

تۇراقتاندىرۋ قورىنىڭ ازىق-تۇلىگى قاراشادان ساتىلا باستايدى

وڭتۇستىكتەگى تۇراقتاندىرۋ قورىنىڭ ازىق-تۇلىگى 1-قاراشادان باستاپ ساتىلا باستايدى. ماقسات— حالىق كوپ تۇتىناتىن الەۋمەتتىك تاۋاردىڭ باعاسىن شارىقتاتپاۋ، حالىققا ءتيىمدى باعامەن ۇسىنۋ. ياعني، ۇن، قانت، كۇنباعىس مايى، كارتوپ، پياز بەن ءسابىزدىڭ باعاسى نارىقتاعىدان ءبىرشاما تومەن بولادى. وبلىس تۇرعىندارى، اسىرەسە، شىمكەنتتىكتەر تۇراقتاندىرۋ قورىنان ساتىلاتىن ازىق-تۇلىككە ابدەن ۇيرەنگەن دەسەك قاتەلەسپەسپىز. ويتكەنى مۇنداعى باعا كوپ بالالى جانە از قامتىلعان وتباسىلارىنا قولداۋ بولسا، ەكىنشى جاعىنان بازارداعى باعانىڭ قىمباتتاماۋىنا اسەرىن تيگىزەدى. ال ارنايى كولىكتەرمەن بازارلارعا، حالىق كوپ شوعىرلانعان بەلگىلەنگەن ارنايى ورىندارعا   ازىق-تۇلىك جەتكىزۋ — «شىمكەنت» الەۋمەتتىك كاسىپكەرلىك كورپوراتسياسىنا جۇكتەلگەن.

جاۋاپتى مامانداردىڭ ايتۋىنشا قويمالاردا وتكەن ماۋسىمنان قالعان قۇمشەكەر، 50 تونناداي ماكارون ونىمدەرى بار. وبلىس اكىمدىگى جانىنداعى تۇراقتاندىرۋ قورىنىڭ قويمالارى قاجەتتى تاۋارلارمەن وڭىردەگى ءىرى كومپانيا جانە شارۋاشىلىقتارمەن تۇزىلگەن كەلىسىم-شارت نەگىزىندە تولىعىپ وتىرادى.

الداعى قاراشادان باستاپ ازىق-تۇلىك جىلداعىداي اپتا سايىن وتەتىن جارمەڭكەلەردە ساتىلاتىن بولادى. تۇراقتاندىرۋ قورى بەكىتكەن باعالار ازىرگە مىناداي: كارتوپ — 65 تەڭگە، قۇمشەكەر — 220 تەڭگە، كۇنباعىس مايىنىڭ ءبىر ءليترى — 350 تەڭگە. جارمەڭكەلەر سەنبى كۇندەرى شىمكەنتتە قاجىمۇقان ستاديونى جانىندا جانە جەكسەنبى كۇندەرى ارعىنبەكوۆ كوشەسىنىڭ بويىنداعى «راحيما پلازا» ساۋدا ورتالىعىنىڭ اۋماعىندا وتەدى. سونىمەن قاتار، الەۋمەتتىك باعاداعى ارزانداتىلعان ازىق-تۇلىك اۋدانداردا دا ۇيىمداستىرىلاتىن جارمەڭكەلەردە ساتىلادى.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565