سەيسەنبى, 20 قازان 2020
COVID-19 قازاقستاندا. جۇقتىرعاندار — 109623. جازىلعاندار — 105145. قايتىس بولعاندار — 1796
جاڭالىقتار 2394 0 پىكىر 28 قازان, 2016 ساعات 10:40

گەكتارىنا 24 تسەنتنەر «اق التىن» جينالدى

رەسپۋبليكامىزدا ماقتا وندىرۋدەن جالعىز وبلىس ەسەپتەلەتىن وڭتۇستىك قازاقستان وبلىسىنىڭ شارۋالارى بيىل داقىلدىڭ بۇل تۇرىنەن مول ءونىم الۋدا. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بيىل وڭتۇستىك وڭىردە 109,6 مىڭ گەكتار جەرگە ماقتا ءشيتى ەگىلىپ، ءار گەكتارىنان ورتا ەسەپپەن 24 تسەنتنەردەن ءونىم جينالۋدا. ماقتا جيناۋ ورىندارىنا قازىرگە دەيىن 262,5 مىڭ توننا «اق التىن» جينالىپ، مەجەنى 94,7 پايىزعا باعىندىردى.

ايتا كەتەيىك، ماشاقاتى كوپ ماقتا سالاسىندا شارۋالاردى جىل سايىن تەرىلگەن ءونىمدى وتكىزۋ باعاسىنىڭ تومەندىگى قينايتىن. بيىل ماقتا باعاسى ءبىرشاما كوتەرىلدى. ماسەلەن، وتكەن جىلى شارۋالار ماقتالارىن العاشقى كەزدە 107 تەڭگەدەن وتكىزگەن بولسا، بيىل 160-165 تەڭگەدەن ساۋدالادى. قازىرگى كەزدە ماقتا ساپاسىنىڭ ازداپ تومەندەۋىنە بايلانىستى 130-145 تەڭگەدەن قابىلدانۋدا.

وڭتۇستىك قازاقستان وبلىسى اكىمىنىڭ بىزگە بەرگەن مالىمەتىنە قارعاندا، قازىرگى تاڭدا ءار اۋداننىڭ كليماتتىق جاعدايىنا بايلانىستى  2-ءشى، 3-ءشى تەرىم ناۋقانى جۇرۋدە. ماقتا جيناۋ جۇمىستارىن قاراشا ايىنىڭ ءبىرىنشى ونكۇندىگىندە اياقتاۋ جوسپارلانۋدا. وبلىس بويىنشا ماقتا جيناۋ جۇمىستارىنىڭ 65 پايىزى كومباينمەن اتقارىلادى. ول ءۇشىن وبلىس بويىنشا 512 كومباين تىنباي جۇمىس ىستەۋدە.

Abai.kz 

0 پىكىر