بەيسەنبى, 28 ناۋرىز 2024
جاڭالىقتار 4235 0 پىكىر 28 قازان, 2016 ساعات 15:20

وقو اكىمى ق.ا.ياساۋي اتىنداعى حقتۋ-دىڭ جەتەكشىلەرىن قابىلدادى

وڭتۇستىك قازاقستان وبلىسى اكىمى جانسەيىت تۇيمەباەۆ قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وكىلەتتى كەڭەس توراعاسى مۋسا يىلدىزبەن كەزدەستى. باسقوسۋعا اتالعان وقۋ ورنىنىڭ پرەزيدەنتى ءۋاليحان ابدىبەكوۆ پەن ۋنيۆەرسيتەتتىڭ ءبىرىنشى ۆيتسە پرەزيدەنتى مەحمەت كۋتالمىش تا قاتىستى.

كەزدەسۋدە تاراپتار باۋىرلاس ەلدەردىڭ ىنتىماقتاستىعى تۋرالى اڭگىمە ءوربىتىپ، بۇل جۇمىستاردى ودان ءارى دامىتۋ جايىن ءسوز ەتتى.

قوس مەملەكەتتىڭ ءبىلىم، عىلىم، مەديتسينا، كاسىپكەرلىك سىندى كوپتەگەن سالالاردا بىرلەسكەن جوبالار جاساۋى قاجەتتىگىنە توقتالعان مارتەبەلى مەيماندارعا، ءوز كەزەگىندە، ايماق باسشىسى العىسىن ءبىلدىرىپ، قوناقجاي وڭتۇستىك ءوڭىرى تۋىستىق قاتىناسقا قاشاندا دايىن ەكەنىن جەتكىزدى.

سونداي-اق، بۇگىن  ج.شانين اتىنداعى وبلىستىق اكادەميالىق قازاق دراما تەاترىندا  اقىن، دراماتۋرگ، كومپوزيتور، قازاقستان جازۋشىلار وداعىنىڭ مۇشەسى، جامبىل اتىنداعى حالىقارالىق، تاۋەلسىز «پلاتينالى تارلان» سىيلىقتارىنىڭ يەگەرى يسرايل ساپاربايدىڭ «تورتكۇل دۇنيە – ءتورت مەزگىل» پوەزيالىق جۇزدەسۋى ءوتتى.

جۇزدەسۋدە، ارنايى دايىندالعان تەاترالدى قويىلىم اياسىندا يسرايل ساپاربايدىڭ پوەزياسىمەن قاتار، سوزىنە جازىلعان «نوستالگيا»، «اينالدىم»، «جۇرەككە جۇرەك ءتىل قاتار»، «تىرنالار»، «انانى اڭساۋ»، «ايالاشى جۇرەگىمدى»، «ساعىندىم عوي»، «مەنى ەسىڭە ال اياۋلىم» اندەرى ورىندالدى.

اقىن 70-كە تارتا ءان مەن 150-گە تارتا ءان ماتىندەرىنىڭ اۆتورى. «اۋىلدان كەلگەن ارۋ»، ء«امىر-تەمىر»، اباي-توعجان»، «سىعاي سەرەناداسى»، «ماحاببات مەيرامى» پەسالارى تەاتر ساحناسىندا قويىلىپ ءجۇر.

اباي اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525